Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Okutobala 2017

 UBUMI BWITU BWABUKRISTU

Ngimba Mbaghile Ukwiyipa Bulebule Ukuti Manyileghe Amasyu Gha Kyala

Ngimba Mbaghile Ukwiyipa Bulebule Ukuti Manyileghe Amasyu Gha Kyala

Ngimba mukulonda ukuya basubiliwa pangelo bo muno ayilile Danieli? Danieli abelengagha Amasyu gha Kyala pampene na mabusololi agha ghali makafu ukughapilikisya. (Da 9:2) Ukwiyipa ukubelenga Ibaibolo akabalilo kosa kubaghile ukubatula ukuya basubiliwa. Bulebule? Kubaghile ukukasya ulusubilo lwinu mwa Yehova ukuti isi afingile sikwisa kufwanisiwa naloli. (Yos 23:14) Kubaghile kangi ukongelesya ulughano lwinu kwa Kyala, ulu lubaghile ukubatuma ukuti mubombeghe isyabugholofu. (Sa 97:10) Ngimba mubaghile ukwanda bulebule? Mwinong’onele amasakisyo agha.

  • Ngimba nande pakumanyila isyafiki? Ukumanyila ukununu ko kwanda nukwitendekesya ningomano isya kipanga. Ukubelenga Ibaibolo kwa sabata aliwesa ko kubaghile ukubatula fiyofiyo linga mukufuza ifundo isi mukapilikisya. Ukongelelapo, bamo basalile ukuti bamanyileghe isya mabusololi gha mu Baibolo, isya seke sya mbepo mwikemo, amabulendo gha Pauli aghabumishonale ni sya kipeliwa kya Kyala. Linga mughaghile amalalusyo ghamo agha mu Baibolo, mughalembe ukuti mwise mumanyile isiku ilingi.

  • Ngimba mbaghile ukubwagha kughu ubutuli? Ukuti mumanye nyingi, ketelela ividiyo iyakuti Ivyo Vingatovwira Kusanga Usambazi Wa Uzimu. Ukuti mumanye muno mubaghile ukufufuzila, mughele ukufufuza isya balaghili bamaka aba bikwimililiwa nifinyamana ifi fikuyobiwa pa Daniyeli chaputara 7.

  • Ngimba ngulondiwa ukumanyila kwa butali buliku? Ukumanyila akabalilo kosa yo kiyi wakuya pabumanyani ubununu na Kyala. Mubaghile ukwanda nukumanyila akabalilo akapimba, linga kwakulondiwa mongeleleghe. Ukumanyila Amasyu gha Kyala kufwene nukulondesya ikyuma iki kifisiwe, linga mumanyile fingi po mukukindilila ukulonda ukumanya fingi! (Mbu 2:3-6) Ikinyonywa kinu pakumanyila Amasyu gha Kyala kikuya pakukula kangi ulubatiko lwinu ulwa kumanyila Ibaibolo lukuya pakuya lwa kabalilo kosa.—1Pe 2:2.

NGIMBA IFINYAMANA IFI FIKUYOBIWA PA DANIYELI CHAPUTARA 7 FIKWIMILA IFINDU FIKI?

  • Da 7:4

  • Da 7:5

  • Da 7:6

  • Da 7:7

ILALUSYO ILYAKONGELAPO:

Ngimba ubusololi bwa pa Danieli 7:8, 24 bwafwanisiwe bulebule?

ILALUSYO ILINGI ILYAKUTI MUFUFUZE:

Ngimba ifinyamana ifi fikuyobiwa pa Busetuli chaputala 13 fikwimila ifindu fiki?