Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Ogasiti 2016

 UBUMI BWITU BWABUKRISTU

Ukongelela Amaluso Muno Tungafumukisya—Ukuntula uyu Tumanyila Nawe iBaibolo Ukuti Afike Pakosiwa

Ukongelela Amaluso Muno Tungafumukisya—Ukuntula uyu Tumanyila Nawe iBaibolo Ukuti Afike Pakosiwa

NONGWA YAFIKI KWAKULONDIWA: Ukuti baye pabumanyani na Yehova, aba tukumanyila nabo iBaibolo bolondiwa tasi ukwiyipa ukuti bosiwe. (1Pet 3:21) Aba bakwikala m’mbwibililo bwa Kyala bakwisa kupokiwa. (Sa 91:1, 2) Abakristu bosa bakwiyipa kwa Yehova—mma ku bandu, ku mbombo pamo kufibughatila fya nkisu. Aba tumanyila nabo iBaibolo bolondiwa ukuya nulughano nukumpalisya Kyala.—Ro 14:7, 8.

NGIMBA TUBAGHILE UKUBOMBA BULEBULE:

  • Linga mumanyila, muyobesanieghe ifundo isi syuyoba isya Yehova. Muntule ukuti abelengeghe iBaibolo kangi angalekagha ukwiputa kwa Yehova—1Te 5:17; Yak 4:8

  • Mubakasye bosa aba mukumanyila nabo iBaibolo ukuti biyipe nukuti bosiwe. Kangi muntule ukuti amulengepo pa ngomano pamo ukuti afumusyeghe kubapalamani bake na aba obomba nabo imbombo. Mukumbukeghe ukuti Yehova atolonda ukuti tumbombeleghe mwakufimbilisiwa. Aliwesa akulondiwa ukwiyipa pamwene ukuti ambombele Kyala.—Kuk 30:19, 20

  • Munkasye uyu mukumanyila nawe iBaibolo ukuti a chenje apo polondiwa ukuti anhobosyeghe Yehova nukuti itikisiwe ukosiwa. (Mbu 27:11) Nongwa ya butulanongwa nutuyilo utu uyu mumanyila nawe abombagha bo akali umanyila iBaibolo, mukulondiwa ukuntula ukuti achenje ubundu ubukulu nukuti afwale ubundu ubupya. (Ef 4:22-24) Mubaghile ukuntula nifundo sya magazini gha Gongwe la Mulinda agha ghakuya ninkhani syakuti “Baibolo Likusintha Umoyo wa Ŵanthu”

  • Munangisye ulusekelo ulu mulwaghile nongwa yakuti mukumbombela Yehova.—Yes 48:17, 18