Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Novembala 2017

 UBUMI BWITU BWABUKRISTU

Ukongelela Amaluso Ghitu Pakufumusya Linga Tukupanga Ubulendo Bwakughomokelako

Ukongelela Amaluso Ghitu Pakufumusya Linga Tukupanga Ubulendo Bwakughomokelako

NONGWA YAFIKI KWAKULONDIWA: Abandu bingi aba bikuhoboka na masyu gha Bunyafyale bikulonda ukumanya ubwanaloli ubwakuyoba isya Kyala. (Yes 55:6) Ukuti tubatule ukuti babukeghe pankyeni, tukulondiwa ukuti tughomokelengeko kabilikabili. Abandu bikwaghana nindamyo isyakukindanakindana, yo nongwa linga tukufumusya tukuyoba ukufwana namuno ifindu fiyilile kwa aliwesa. Tukulondiwa ukwitendekesya kanunu linga tukubuka kubulendo ubwakughomokelako ukuti twande nawe ukumanyila Ibaibolo.

NGIMBA MUBAGHILE UKUBOMBA BULEBULE:

  • Mughomokelengeko mwanakalinga.—Mt 13:19

  • Muyeghe babumanyani kangi balughindiko. Mugheleghe ukuya batengamoyo

  • Mwandeghe nukubaponia mwalusekelo. Muyobeghe ingamu syabo. Mubakumbusyeghe inongwa iyi mughomokile kangi panyumba yabo. Lumo mughokile pakwamula ilalusyo ili mwapangene, pakubapa imagazini imbya, ukubanangisya iwebusayiti yitu, ukubaketesya akavidiyo pamo ukubanangisya muno tukumanyilila Ibaibolo. Muchenjeghe inkhani linga umwene nyumba ayobile ukuti ikulonda ukuti muyobesanie inkhani iyingi.—Fil 2:4

  • Onelela imbeyu iyabwanaloli iyi yibyaliwe mu ndumbula yake mwakumbula ifundo isya mu Baibolo pamo ukundekela amabuku. (1Ko 3:6) Mugheleghele ukuti muye pabumanyani nawe

  • Mupangane ukuti musaghomokeleko kangi