Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Juni 2017

 UBUMI BWITU BWABUKRISTU

Muyeghe Nutuyilo Utu Yehova Ikuhoboka Nato

Muyeghe Nutuyilo Utu Yehova Ikuhoboka Nato

Yehova atupele indaghilo isya muno twe bandu tubaghile ukwikalila. Ikifwanikisyo, atulaghile ukuti ubweghi butikulondiwa ukuti bumalikeghe kangi bo bukamu bwa bwila na bwila pakati pa nnyambala nu nkikulu. (Mt 19:4-6, 9) Akanisye utuyilo tosa utwabunyali utwakughonana. (1Ko 6:9, 10) Atupele kangi ifundo isi sikututula pa muno tufwalileghe nukwimoghesyela, isi sikutupaghula ku bandu aba nkisu iki.—Kuk 22:5; 1Ti 2:9, 10.

Nkabalilo kalino, abandu bingi batikukonga indaghilo isya Yehova. (Ro 1:18-32) Bikwendela isya binabo pa fundo iya kafwalilo nukwitendekesya kangi bikubomba ifi bikulonda. Abandu bingi bikubomba imbibi kangi bikuswigha linga tukindene nabo.—1Pe 4:3, 4.

Panongwa yakuti tuli Baketi ba Yehova, tukulondiwa ukubomba innunu. (Ro 12:9) Ngimba tubaghile ukubomba bulebule? Tumanyeghe iki kyakwitikisiwa kumyake. Tukulondiwa kangi ukukindilila ukuya nu utuyilo utununu pa bumi bwitu. Ikifwanikisyo, linga tukusala amasitayelo gha myenda na ghakwimoghesyela twilalusyeghe ukuti: ‘Ngimba ifi ngusala fikunangisya ukuti ngukonga indaghilo isya Yehova, pamo muno bandu bikulondela? Ngimba ifyakufwala fyangu na muno ngwimoghesyela, fikunangisya ukuti nguntila Kyala?’ Kangi linga tukusala ipulogilamu pamo ividiyo ukuti tuketelele, twilalusyeghe ukuti: ‘Ngimba Yehova abaghile ukwitikisya ipulogilamu iyi? Ngimba ipulogilamu iyi yikupala fiyo isyafiki? Ngimba ifi nsalile ukuti ngetelele, fikuya pakupalamasya bulebule utuyilo twangu? (Sa 101:3) Ngimba fikuya pakubapalamasya bulebule aba mu mbumba yangu na bangi?’—1Ko 10:31-33.

Nongwa yafiki tukulondiwa ukukonga isi Yehova ikulonda? Mwalululu Yesu ikuya pakonanga ikisu na babombambibi bosa. (Eze 9:4-7) Bene aba bikubomba ubwighane bwa Kyala bo bisa kupona. (1Yo 2:15-17) Uswe tukulondiwa ukuya bakalyoto bakubomba isi Yehova ikulonda ukuti aba bikuketa imbombo inunu isi tukubomba bangindikeghe Kyala.—1Pe 2:11, 12.

Ngimba ifi ngusala pa fundo ya kafwalilo nukwimoghesyela, fikunangisya ukuti ndi nutuyilo tuliku?

MUKETELELE IVIDIYO IYAKUTI MUYEGHE BAMANYANI BA YEHOVA—UNNYAMBALA YUMOYWENE, UNKIKULU YUMOYWENE, KANGI PABUMALILO MWAMULE AMALALUSYO AGHA:

  • Nongwa yafiki kwakulondiwa fiyo ukubomba isi Yehova ikulonda?

  • Nongwa yafiki abapapi bikulondiwa ukubamanyisya abanabo utuyilo utununu bo bakali bakeke?

  • Ngimba abatubwa na bakusi babaghile ukubatula bulebule abandu ukuti babumanye ubununu bwa Kyala?