Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Juni 2017

 UBUMI BWITU BWABUKRISTU

Ukulwagha Ulusekelo mu Mbombo Yakufumusya Amasyu Amanunu

Ukulwagha Ulusekelo mu Mbombo Yakufumusya Amasyu Amanunu

Ngimba muketilemo ukuti ukufumusya kukafu? Twebingi tubaghile ukwamula ukuti ena. Nongwa yafiki? Lumo utubalilo twingi tukwaghana na bandu abamusulo na bakususya kangi lumo umwe muli bogha ukufumusya ku bandu aba mukabamanya. Ifindu ifi fibaghile ukutupoka ulusekelo lwitu. Loli, tukumwiputa Kyala wa lusekelo uyu ikulonda ukuti tumbombeleghe mwalusekelo. (Sa 100:2; 1Ti 1:11) Ngimba fifukwa fitatu filiku ifi tukulondiwa ukuyila balusekelo mu mbombo yitu yakufumusya?

Ikyakwanda, tukuyoba amasyu aghakupa ulusubilo. Nalinga ulusubilo lukayamo mbandu lino, loli tubaghile ukubafika abandu pandumbula na “masyu amanunu.” (Yes 52:7) Amasyu amanunu ghabaghile ukutupangisya kangi uswe ukuya balusekelo. Bo tukali ukubuka pakufumusya, twinong’oneleghe ulusayo ulu Ubunyafyale bwa Kyala bwisa kutwala pa kisu.

Ikyabubili, amasyu amanunu agha tukufumusya ghikubatula abandu ku mbili na mwa mbepo. Bikumanyila muno babaghile ukulekela utuyilo utubibi utu tukubafulasya kangi linga balekile utuyilo utubibi, bikuya nulusako lwakukaba ubumi bwa bwila na bwila. (Yes 48:17, 18; Ro 1:16) Patwibene twinong’oneghe ukuti tuli pambombo iya kulonda nukubapoka abandu. Nalinga bamo batikulonda ukupokiwa, loli uswe tukukindilila ukulonda aba bikulonda ukupokiwa.—Mt 10:11-14.

Ikyabutatu, imbombo yakufumusya yikungindika Yehova. Umwene ikuyiketa imbombo yitu iyakufumusya ukuya yakulondiwa fiyo. (Yes 43:10; Hi 6:10) Ukongelelapo, Umwene ikutupa umbepo wake mwikemo ukuti atutule ukufwanisya imbombo iyi. Polelo munsumeghe Yehova ukuti muye nulusekelo, iyi yo seke ya mbepo mwikemo. (Ga 5:22) Nubutuli bwa mbepo, tukuya bakifu kangi tukwiyipa fiyo pambombo yakufumusya. (Imb 4:31) Nalinga indamyo sibaghile ukuyapo, loli pope tukuya pakuya nulusekelo pa mbombo yitu iya kufumusya.—Eze 3:3.

Ngimba uwe kulonda ukuya bulebule linga kufumusya? Ngimba ubaghile ukunangisya bulebule ulusekelo?

KETELELA IVIDIYO IYAKUTI MUKUYA NULUSEKELO LINGA MUKUMANYILA NUKWINONG’ONELAPO KANGI MWAMULE AMALALUSYO AGHA:

  • Nongwa yafiki tukulondiwa ukwiyipa ukuti tumanyileghe amasyu gha Kyala, nalinga ko kumalila akabalilo katali pakufumusya umwesi ghulighosa?

  • Ngimba tukulondiwa ukunkonga Mary mu njila yiliku?

  • Ngimba kabalilo kaliku aka mukwinong’onela pa masyu gha Kyala?

  • Ngimba fiki fikukupa ulusekelo linga kufumusya amasyu amanunu?