Keta ifingi

Keta menu iyingi

Keta ifi filipo

Abaketi ba Yehova

Kyangonde

Ukufumusya nu Bumi Bwitu Bwabukristu–Imbatiko ya Ngomano Syitu  |  Epulelo 2017

 UBUMI BWITU BWABUKRISTU

Munkasye Unkristu Umonywa

Munkasye Unkristu Umonywa

Pa Kibili, Epulelo 11, abaKristu bingi abonywa bikwisa pakwaghiwapo pa kukumbukila inifwa ya Yesu. Abene balyandile kanunu ukubopa pa finganilo ya ku bumi loli panongwa ya ndamyo simo balekile. Inongwa simo isi syabaghomokisye nyuma sili mu bulosya lya Welerani kwa Yehova. (Hi 12:1) Abonywa, Yehova akali ikubaketa ukuya bakulondiwa fiyo panongwa yakuti abaghulile ni lopa lya Mwanake. (Imb 20:28; 1Pe 1:18, 19) Ngimba tubaghile ukubatula bulebule ukuti bande kangi ukubungana pampene ni kipanga?

Ukufwana namuno sikuyila nu ntimi uyu ikulondesya ing’osi iyi yiyongile, abakulumba nkipanga bikubikapo fiyo indumbula ukuti babamanye abonywa ukuti babatule. (Lu 15:4-7) Isi sikunangisya ulughano ulu Yehova ali nalo. (Yer 23:3) Imbombo yakutula abonywa yikaya ya bakulumba bene loli ya aliwesa. Linga tukughelaghela ukunangisya ulughano kubonywa, Yehova ikuya pakutusaya. (Mbu 19:17; Ndu 20:35) Inong’onelapo isya uyu mubaghile ukuntula, linga mumwaghile muntule mwanakalinga!

MUKETELELE IVIDIYO YAKUTI MUNKASYE UMONYWA, KANGI MWAMULE AMALALUSYO AGHA:

  • Ngimba Abbey abombile isyafiki bo aghene nu mundu uyu akalim’menye ukuti Nketi?

  • Nongwa yafiki tubabuleghe abakulumba linga tukwinong’ona isyakuntula umonywa?

  • Ngimba Abbey alitendekisye bulebule pakubuka kwa Laura pabulendo bwabubili?

  • Ngimba Abbey anangisye bulebule akayilo ka kwifimbilisya, ubufisa lyoyo, nu lughano bo ikunkasya Laura?

  • Ngimba tukumanyilapo isyafiki pa isi Yesu ayobile pa Luka 15:8-10?

  • Ngimba lusayo luliku ulu lwalisile panongwa ya kwiyula pakuntula Laura?