Keta ifingi

Keta menu iyingi

Keta ifi filipo

Abaketi ba Yehova

Kyangonde

Mubaghile Ukuya Nulusekelo M’nyumba Yinu

 KIGHABA 4

Indalama Syinu

Indalama Syinu

‘Ubulongosi bwa bangi’ bukutula.—Isya Mbupingamu 20:18

Twesa tukulondiwa indalama ukuti situtule m’nyumba syitu. (Isya Mbupingamu 30:8) “Ikyuma kibaghile ukukupa ulutengano,” pamo ukubafighilila. (Undumbilili 7:12) Mu bweghi, inkhani ya muno mubaghile ubombela ni ndalama syinu yikutamya fiyo. Mungitikagha ukuti inkhani ya ndalama yitwale indamyo m’nyumba yinu. (Baefesi 4:32) Abeghi bakulondiwa ukuti basubilaneghe kangi batulaneghe muno babaghile ukubombela ni ndalama syabo.

 1 MUYEGHE NI PULANI

ISI IBAIBOLO LIKUYOBA: ‘Yo aliku uyu bo akulonda ukuyenga inyumba atikupima untengo ukuti akete linga ali nafyo ifya kumalikisya.’ (Luka 14:28) Upanga ipulani pampene muno mukuya pakubombela indalama kubaghile ukubatula. (Amosi 3:3) Muyobesanieghe ifi mukulonda ukula ni ndalama isi mukuya pakulila. (Isya Mbupingamu 31:16) Ukula ifindu nongwa yakuti muli ni ndalama syakuti mubaghile ukulila kutaya kanunu. Mungasubilagha ukukopa indalama pamo ifi mukulonda. Muleghe ifyakukwana nindalama syinu.—Isya Mbupingamu 21:5; 22:7.

ISI MUBAGHILE UKUBOMBA:

  • Linga musyaghile indalama, muyobesanieghe ifi mukulonda ukubombela

  • Linga muli ni ndalama nandi pamo dono, muchepesya ifyakula. Lumo mubaghile ukupiya mwibene ifyakulya m’malo mwakula ifipiye

 2 MUYEGHE BABWANALOLI

ISI IBAIBOLO LIKUYOBA: ‘Namanga tukulonda ukubomba isya bugholofu kwa Yehova na ku bandu.’ (2 Bakorinti 8:21) Unkasi winu pamo undume winu amanyeghe indalama isi mukukaba na isi mukonanga.

Akabalilo kosa muyobesanieghe linga pali fimo ifi mukulonda ukubomba nindalama syinu. (Isya Mbupingamu 13:10) Mukuya nulutengano linga mukuyobesania muno mukubombela indalama. Indalama isi mukukaba siyeghe syinu mwesa.—1 Timoti 5:8.

ISI MUBAGHILE UKUBOMBA:

  • Mupangane ubwingi bwa ndalama isi aliwesa abaghile ukubombela kwambula kuyobesania tasi

  • Ukuti muyobesanie isya ndalama mungalindililagha ukuti indamyo yiboneke tasi