Keta ifingi

Keta menu iyingi

Keta ifi filipo

Abaketi ba Yehova

Kyangonde

Bo Baliku Aba Bobomba Ubwighane Bwa Yehova Amasiku Agha?

 MUTU 11

Nongwa Yafiki Tukuya Ningomano Inywamu?

Nongwa Yafiki Tukuya Ningomano Inywamu?

Mexico

Germany

Botswana

Nicaragua

Italy

Nongwa yafiki abandu aba boboneka balusekelo fiyo? Bali pa lukomano lwitu ulunywamu. Ufwana namuno ababombi ba Kyala bakunyuma babombelagha, babuliwe ukuti babunganeghe katatu pa chinja, nuswe momuno tubombela. (Ukukumbusya Indaghilo 16:16) Ichinja chilichosa, tukuya ningomano inywamu. Ulukomano lumo tubomba a masiku matatu, ulukomano lwa kighaba, ingomano sibili lulilosa lukuya lwa siku limolimo, ulukomano lwa dela. Ngimba tupindula bulebule ningomano isi?

Situtula ukukasya ubukamu bwitu. Ufwana namuno abaIsrayeli bahobokelagha linga bali ‘pangomano’ syabo, nuswe tuhoboka linga tukwiputa pampene nabakamu bitu mungomano inywamu isi. (Masalimo 26:12, NWT; 111:1) Ingomano isi situpa ulusako lwakumanyana na Baketi abinitu aba bafumile ulubafu, pamo mfisu ifingi. Pamusi, tukulya ifyakulya ifi tupayile, tulyela pamalo ghitu gha lukomano, kangi pakabalilo aka tukuya nulusako lwakumanyana nabakamu bitu. (Imbombo Sya Batumiwa 2:42) Pa ngomano inywamu isi, tuketa twibene ulughano ulu luyapo, ulwakuti ‘tubaghaneghe abitiki abinitu’ pakisu kyosa.—1 Peteri 2:17.

Situtula ukukasya ubumi bwitu bwabukristu. Pakabalilo ka ngomano isi abaIsrayeli batuliwagha fiyo ukupilikisya amasyu gha Kyala. (Nehemiya 8:8, 12) Nuswe tuhoboka fiyo ni fundo isi tumanyila pangomano syitu. Fyosa ifi tumanyila fikufuma m’Baibolo. Tukuya ni nkhani syakuhobosya na madilama, ifi fikututula muno tubaghile ubombela ubwighane bwa Kyala. Tukasya fiyo ulwitiko lwitu mwa Kyala linga tupilika muno abakamu bitu bikutolela indamyo isi bwakwaghana nasyo. Pangomano inywamu, amadilama ghotutula uketa muno akabalilo ka bandu ba m’Baibolo kayilile namuno nuswe tungabakongela. Pangomano syosa ukosiwa kuyapo, kwa aba basalile ukumbombela Kyala.

  • Nongwa yafiki tuhoboka linga tuli pangomano?

  • Tutuliwa bulebule linga tuli pangomano?