Keta ifingi

Keta menu iyingi

Keta ifi filipo

Abaketi ba Yehova

Kyangonde

Bo Baliku Aba Bobomba Ubwighane Bwa Yehova Amasiku Agha?

 MUTU 3

Ngimba Ubwanaloli Bwa m’Baibolo Bwalyaghiwe Kangi Bulebule?

Ngimba Ubwanaloli Bwa m’Baibolo Bwalyaghiwe Kangi Bulebule?

Abamanyili ba Baibolo m’ma 1870

Magazini Yakwanda mu 1879

Magazini ya amasiku agha

IBaibolo lyayobile ngani ukuti bo Yesu Kristu afwile, abamanyisi babutungulu bisa kwandisya ifimanyisyo fyabutungulu. (Imbombo Sya Batumiwa 20:29, 30) Bo pakindilepo akabalilo, ifi fyo fyabombiwe naloli. Balyandile ukongania ichikristu ni fimanyisyo fyabutungulu. (2 Timoti 4:3, 4) Ngimba tumanya bulebule ukuti ifi tumanyila m’Baibolo lino bo bwanaloli?

Akabalilo kafwene kakuti Yehova abatule abandu ukuti bamanye ubwanaloli. Kyala ayobile ngani ukuti m’masiku ghabumalikisyo abandu bakwisa kubumanya ubwanaloli. (Danieli 12:4) Mu 1870 po apa akagulu ka bamanyili ba Baibolo kasyaghenie ukuti ifimanyisyo fingi fya fipanga fikali fya bwanaloli. Polelo balyandile ulondesya ubwanaloli m’Baibolo. Yehova abasayile.

Bali nu lweke lwakumanyila iBaibolo. Abandu bakwiyisya aba bamanyilagha iBaibolo munjila iyi tubombela lino. Abene basalagha umutu wa m’Baibolo nuyobesania. Linga bayaghile ifundo iyi yibatamisye uyipilikisya, balondesyagha amavesi aghangi ukuti bapilikisye kanunu. Linga baghaghile amavesi agha ghakolelene ni fundo iyi balondagha, bayilembagha. Abene balondagha ukuti iBaibolo lyamuleghe lyene. Isi syabatulile ukuti bamanye ubwanaloli bwa ngamu ya Kyala, Ubunyafyale bwake, ubwighane bwake ku bandu ni kisu, isi sibombiwa linga umundu afwile nisya kusyuka ku bafwe. Ulweke lwabo lwabatulile ukuti baye babuke ku tuyilo nifimanyisyo fyabutungulu.—Yohani 8:31, 32.

Mu 1879 Abamanyili ba Baibolo baketile ukuti akabalilo kakuti ubwanaloli bufumusiwe kafwene. Balyandile upanga amagazini gha nkhani sya m’Baibolo. Amasiku agha tumanyila iBaibolo na bandu mu fisu 240, na mu njobelo syakukinda 750. Lino ubwanaloli bufumusiwa fiyo ukinda bwila.

  • Findu fiki fyabombiwe nu bwanaloli bwa m’Baibolo bo Yesu afwile?

  • Ngimba findu fiki fyatulile Abaketi ba Yehova ubwagha ubwanaloli bwa Masyu gha Kyala?