Keta ifingi

Keta menu iyingi

Keta ifi filipo

Abaketi ba Yehova

Kyangonde

Bo Baliku Aba Bobomba Ubwighane Bwa Yehova Amasiku Agha?

 LESSON 18

Ngimba Tubatula Bulebule Abakamu Bitu Linga Baghene Nindamyo?

Ngimba Tubatula Bulebule Abakamu Bitu Linga Baghene Nindamyo?

Dominican Republic

Japan

Haiti

Abaketi ba Yehova botulana mwanakalinga linga abakamu babo baghene nindamyo. Isi sikunangisya ulughano lwamaka ulu tuli nalo ku bakamu bitu. (Yohani 13:34, 35; 1 Yohani 3:17, 18) Ngimba tubatula bulebule?

Tubapa ubutuli bwa ndalama. Akabalilo aka kwawile injala ku Yudai, abakristu ba ku Antiokia babatumile indalama syakuti sibatule. (Imbombo Sya Batumiwa 11:27-30) Amasiku agha momuno nanuswe tubombela. Linga tupilike ukuti abakristu abinitu baghene nindamyo, tutuma indalama ukuti batuliwe.—2 Bakorinti 8:13-15.

Tubapa ubutuli bulibosa ubu bulondiwa. Abakulumba aba bali ku malo agha indamyo yiwile, bakuya nimbombo yakuketesya ukuti Abaketi abinabo bosa balipo kangi bali kanunu. Ikomiti ya kupa ubutuli yikutendekesya isyakuti abakamu bitu aba, bapeliwe ifyakulya, amisi ghakunwa, imyenda, amalo ghakwikala pampene nubutuli bwa chipatala. Linga pakabalilo aka iNyumba sya Bunyafyale ni nyumba syakughonamo syonangike, aba bamenye imbombo yakuyenga bakwipeleka ukuti bakatule. Ukukolelana uku kulipo pakati pitu ko kupangisya ukuti tutulaneghe mwanakalinga pakabalilo ka ndamyo. Nalinga tubatula fiyo “abamyitu aba tuli lwitiko lumolwene,” tubatula kangi abandu abangi aba batamiwe, kisita kuketa ikipanga iki umundu alimo.—Bagalatiya 6:10.

Tubakasya ni fundo sya m’Baibulo. Ubutuli bulondiwa fiyo ku bandu aba baghene nindamyo isi pampene nubakasya. Pakabalilo aka tukasya ubumanyani bwitu na Kyala “umwene lusubisyo losa.” (2 Bakorinti 1:3, 4) Tukasania ni fundo sya m’Baibolo, tukumbusania isi Kyala afingile nkyeni ukuti akwisa kusosyapo indamyo syosa isi tukwaghana nasyo lino.—Ubusetuli 21:4.

  • Findu fiki fikupangisya Abaketi ba Yehova ukuti batulaneghe mwanakalinga pakabalilo ka ndamyo?

  • Ngimba fundo sya m’Baibolo siliku isi, tubaghile ukasania na bandu aba baponile pa ndamyo?