Keta ifingi

Keta menu iyingi

Keta ifi filipo

Abaketi ba Yehova

Kyangonde

Mubamanyisyeghe Abana Binu

 MUTU 8

Yosiya Ali Nabamanyani Abanunu

Yosiya Ali Nabamanyani Abanunu

Ngimba ukubomba ifinunu kupepe?— Abandu abingi bakwinoghona ukuti kukafu. IBaibolo likutubula ukuti kwali kukafu ukuti Yosiya abombe ifinunu. Loli abamanyani bake bantulile ukuti abombe ifinunu. Tumanyile inkhani ya Yosiya nabamanyani bake.

Yosiya ali mwana wa Amoni, malafyale wa Yuda. Amoni ali mbibi kangi iputagha ku fifwani. Bo tata wake afwile, Yosiya atughele pa bunyafyale ulaghila Abayuda. Alyandile ulaghila bo ali ni finja 8. Kwinoghona ukuti ali mbibi ufwana na tata wake?— Ayi.

Zefaniya abasokile abandu aba biputagha ku fifwani

Bo mwana, Yosiya alondagha ukumpilikila Yehova. Umwene asalile ukuya pabumanyana na bandu aba banganile Yehova. Abamanyani bake bantulile Yosiya ubomba ifinunu. Ngimba abamananyani ba Yosiya bali bo baliku?

Um’manyani wake yumo ali yo Zefaniya. Zefaniya ali nsololi. Abasokilepo Abayuda ukuti linga bakwiputa ku fifwani  ifindu ifibibi fikwisa kubabonekela. Yosiya apilikile isi Zefaniya ayobile. Iputagha kwa Yehova mwene.

Um’manyani wake unine ali Yeremiya. Yeremiya na Yosiya bafwene ubukusi kangi pakabalilo aka bakulagha bali pabupalamani. Bali pabumanyani fiyo. Bo Yosiya afwile, Yeremiya alembile ulwimbo lwakunkumbukila. Yeremiya na Yosiya batulene ubomba inunu kangi bampilikilagha Yehova.

Yeremiya na Yosiya batulene ubomba ifinunu

Ngimba kumanyila findu fiki kwa Yosiya?— Ufuma bo mwana, Yosiya alondagha ukubomba ifinunu. Asimenye ukuti kununu ukuya pabumanyani na bandu aba banganile Yehova. Nanuwe usale abamanyani aba banganile Yehova kangi naba babaghile ukukutula ukuti ubombeghe ifinunu.

BELENGA MU BAIBOLO

  • 2 Syambukulu 33:21-25; 34:1, 2; 35:25