Keta ifingi

Keta menu iyingi

Keta ifi filipo

Abaketi ba Yehova

Kyangonde

Mubamanyisyeghe Abana Binu

 MUTU 13

Timoti Alondagha Ukubatula Abandu

Timoti Alondagha Ukubatula Abandu

Timoti ali ndumyana uyu ahobokagha ukubatula abandu. Alyendile amalo amingi ukubatula abandu. Yo nongwa umwene ali walusekelo. Ngimba kulonda uyimanye inkhani ya Timoti?—

Timoti amanyisiwe isya Yehova na mbuya wake Loi pamopene na mama wake Yunike

Timoti akulile mu tawuni ya Listra. Bo mwana amanyisiwe isya Yehova na mbuya wake Loi pamopene na mama wake Yunike. Bo akulile, Timoti alondagha ukubatula abandu umanyila isya Yehova.

Bo Timoti ndumyana, Pauli alinsumile ukuti babuke pamopene ku mbombo yakufumusya. Timoti alitike ukubuka. Syo alondagha umwene.

Timoti abukile na Pauli ku tawuni ya Tesalonike, ku Makedoniya. Ukuti bakafike, balondiwagha ukwenda pasi ubulendo  ubutali mpaka kuno bakwelagha iboti. Bo bafikile, babatulile abandu bingi ukumanyila isya Yehova. Loli abandu bamo bali bakali kangi balondagha ukubafulasya. Pauli na Timoti balyandile ufumusya ku malo aghangi.

Timoti ali walusekelo

Bo imyesi ghikindilepo, Pauli alinsumile Timoti ukuti aghomokele ku Tesalonike ukuti akabakete abakamu nukubatula. Ubukifu bwalondiwagha ukuti Timoti abuke ku tawuni ya bandu abakali bala! Loli Timoti abukile papo abapakisyagha abakamu aba baliko. Bo isile kwa Pauli, ayobile inkhani inunu isya bakamu ba ku Tesalonike ukuti babombagha kanunu!

Timoti abombile pamopene na Pauli ifinja fingi. Akabalilo kamo Pauli ayobile ukuti Timoti ali nsubiliwa ukutula ifipanga. Timoti ali walughano kwa Yehova na bandu.

Ngimba uli nulughano ku bandu? Ngimba kulonda ukubatula ukuti bamanye isya Yehova?— Linga uli nulughano kangi kubatula, ubaghile ukuya walusekelo ngati yo Timoti!

BELENGA MU BAIBOLO

  • 2 Timoti 1:5; 3:15

  • Imbombo Sya Batumiwa 16:1-5; 17:1-10

  • 1 Batesalonike 3:2-7

  • Bafilipi 2:19-22