Keta ifingi

Keta menu iyingi

Abaketi ba Yehova

Kyangonde

Munkyeni Ifindu Fikwisa Kuya Bulebule?

Munkyeni Ifindu Fikwisa Kuya Bulebule?

Lumo mukuti . . .

  • fikuya muno fiyilile

  • fikuya pakonangika

  • fikuya kanunu

 ISI IBAIBOLO LIKUYOBA

‘Kyala isakupyasilagha amasosi ghosa, bope nu bufwe nalinga bo busulumanie, nalinga kokukuta pamo ko kubaba fitisakuyangako kangi, namanga indasi syosa sikindile.’—Ubusetuli 21:3, 4.

UKUMANYA ISI KUBAGHILE UTUTULA BULEBULE?

Tukwisa kuhobokagha ni mbombo yitu.—Yesaya 65:21-23.

Ububine ni ndamyo sikwisa kumalika.—Yesaya 25:8; 33:24.

Tukwisa kuhoboka nu bumi bwa bwila na bwila na bakamu bitu.—Salimo 37:11, 29.

 NGIMBA ISI IBAIBOLO LIKUYOBA BWANALOLI?

Ee. Nongwa yafiki tukuti ee?

  • Kyala ali na maka ghakubomba isi ayobile. Yehova yo ‘Mwenemaka ghosa’ momuno iBaibolo liyobela. Ubumalikisyo bwa maka ghake nabumo. (Ubusetuli 15:3) Namaka ghake, Umwene olonda utendekesya ifindu ukuti fiye kanunu. IBaibolo likuti “kwa Kyala syosa mbepe itolo.”—Matai 19:26.

  • Kyala olonda ukubomba isi ayobile. Olonda fiyo ubapa ubumi bosa aba bafwile.—Jobu 14:14, 15.

    IBaibolo likuyoba ukuti Yesu abumbulwisye ababine. Nongwa yafiki ababumbulwisye? Bwali bwighane bwake. (Marko 1:40, 41) Isi Yesu abombile situtula umanya muno Kyala olondela ubatulila abandu.—Yohani 14:9.

    Tuli nu bwanaloli ukuti Kyala na Yesu botulondela ubumi ubununu munkyeni!—Salimo 72:12-14; 145:16; 2 Peteri 3:9.

 MWINOGHONELEPO

Ngimba Kyala akwisa kutendekesya bulebule ifindu?

IBaibolo likwamula pa MATAI 6:9, 10 na DANIELI 2:44.

 

Manyila Fingi

AMASYU AMANUNU AGHAKUFUMA KWA KYALA!

Ngimba Ubwighane bwa Kyala ku Kisu Iki bo Buliku?

IBaibolo liyoba isi syapangisye ukuti Kyala apele ikisu, akabalilo aka indamyo sikwisa kumalika, isi Kyala akwisa kubomba pa kisu na isi akwisa kubomba ku bandu.

AMASYU AMANUNU AGHAKUFUMA KWA KYALA!

Ngimba Ubunyafyale bwa Kyala Findu Fiki?

Ngimba Malafyale wa Bunyafyale bwa Kyala yonani? Ngimba Ubunyafyale bwa Kyala bukwisa kubomba fiki?