Keta ifingi

Keta menu iyingi

Keta ifi filipo

Abaketi ba Yehova

Kyangonde

Amasyu Amanunu Aghakufuma kwa Kyala!

 MUTU 2

Ngimba Kyala Yonani?

Ngimba Kyala Yonani?

1. Nongwa yafiki tumwiputeghe Kyala?

Kyala wa bwanaloli yo Mpeli wa fyosa. Kyala akaya nu bwandilo kangi ubumalikisyo. (Salimo 90:2) IBaibolo masyu ghake. (1 Timoti 1:11) Twiputeghe kwa Kyala mwene nongwa yakuti yo Mpeli wa bumi.—Belenga Ubusetuli 4:11.

2. Ngimba Kyala oboneka bulebule?

Nayumo umundu uyu amubwenepo Kyala, umwene yo mbepo. Twebandu tutabaghila umubona Kyala. (Yohani 1:18; 4:24) Loli pope tubaghile ukummanya muno umwene ayilile linga tukwinoghonelapo pa ifi apelile. Tukumanya ukuti Umwene walughano kangi wamahala linga tuketa imipiki ighi ghikwela iseke ni mipiki yamaluba. Bope ubunywamu bwa kisu bukututula ukumanya ukuti Umwene yo Kyala wamaka. —Belenga Baroma 1:20.

Tubaghile kangi ukumanya muno Umwene ayilile linga tubelenga iBaibolo. Tumanya isi Umwene ohoboka nasyo na isi atohoboka nasyo, muno Umwene obombela ifindu na bandu kangi muno akwipilikila. —Belenga Salimo 103:7-10.

3. Ngimba Kyala ali ni ngamu?

Yesu ayobile atile: ‘Tata witu wakumwanya, ingamu yako yikemesiweghe.’ (Matai 6:9) Kyala ali nasyo ingamu syakungindika, loli ingamu yake yilipo yimoyene. Mu njobelo ya Kyangonde ingamu yake yo Yehova.—Belenga Salimo 83:18, NW.

Mu Mabaibolo amingi ingamu ya Kyala yisosiwemo. Abene bolemba ukuti Ntwa pamo Kyala. Akabalilo aka iBaibolo lyalembiwagha ingamu ya Kyala yalimo  akabalilo 7000. Bo Yesu ali pa kisu abamanyisye abandu ingamu ya Kyala.—Belenga Yohani 17:26.

4. Ngimba Kyala ali nimbombo na bandu?

Kyala afwene nu mpapi walughano uyu otulondela ifinunu

Ngimba indamyo isi tukwaghana nasyo kokuti Kyala ataya ni mbombo nanuswe? Bamo linga baghene ni ndamyo boyoba ukuti bogheliwa na Kyala loli ubu butungulu.—Belenga Yakobu 1:13.

Kyala atupele uswe ubwabuke bwa kubomba isi tulonda, aliwesa pamwene. Tuhoboka ukuya babuke umubombela Kyala. (Yoswa 24:15) Indamyo simo sikwisa nongwa ya bandu aba bosala ubombela abinabo imbibi. Kyala atohoboka linga oketa abandu botamiwa. —Belenga Ubwandilo 6:5, 6.

Yehova ali nimbombo na bandu. Umwene olonda twesa tuhobokeghe. Pasyele akabalilo kanandi ukuti asosyepo indamyo pa kisu. Pa kabalilo aka umwene ali nififukwa fya kwitikisya indamyo pa kisu. Pa mutu 8 tukwisa pomanyila isi sipelile ukuti umwene itikisye indamyo isi silipo lino.—Belenga 2 Peteri 2:9; 3:7, 13.

5. Tubaghile ukuya pabumanyani na Kyala

Yehova olonda ukuti tuyeghe nawe pabumanyani, tuyobeghe nawe mu lwiputo. Kyala ohoboka na aliwesa pamwene. (Salimo 65:2; 145:18) Umwene otuhobokela imbibi syitu. Nalinga tutoliwa utubalilo tumo, loli umwene ohoboka linga tumubombela inunu. Nalinga tuli batulanongwa kwa Kyala loli tuhoboka ukuya nawe pabumanyani.—Belenga Salimo 103:12-14; Yakobu 4:8.

Ulughano lwitu luyeghe lunywamu kwa Yehova papo umwene atupele ubumi. (Marko 12:30) Ukuti tuye pabumanyani fiyo na Kyala tulondiwa umanyila iBaibolo nukonga isi umwene olonda.—Belenga 1 Timoti 2:4; 1 Yohani 5:3.