Keta ifingi

Keta menu iyingi

Keta ifi filipo

Abaketi ba Yehova

Kyangonde

Amasyu Amanunu Aghakufuma kwa Kyala!

 MUTU 15

Nongwa Yafiki Mulondiwa Ukindilila Umanyila?

Nongwa Yafiki Mulondiwa Ukindilila Umanyila?

1. Ngimba ukindilila umanyila iBaibolo kubaghile ubatula bulebule?

Tuli nulusubilo lwakuti umanyila iBaibolo uku kubatulile ukuya nu lughano ulukulumba kwa Yehova. Ukindilila umanyila iBaibolo kututula ukuti ulughano ulu lukindilile ukuya lwamaka. (1 Peteri 2:2) Ulusubilo lwa bumi bwa bwila na bwila lulonda ukuti tuye pabumanyani na Kyala, isi sibombiwa linga tumanyila iBaibolo.—Belenga Yohani 17:3; Yuda 21.

Linga mukindilila umanyila, ulwitiko lwinu lukuya lwamaka. Ulwitiko lwinu lubaghile ukubatula ukuti munhobosyeghe Kyala. (Abahiburi 11:1, 6) Ulwitiko ulu muli nalo lubatule ukuti muleke imbibi nukonga inunu.—Belenga Imbombo sya Batumigwa 3:19.

2. Ngimba isi mumanyile sibaghile ubatula bulebule abangi?

Mubaghile ukuya pabumanyani na Yehova

Twesa tuhoboka ubabula abangi inkhani inunu—iki kipeliwa kyitu. Ubukilila umanyila iBaibolo kubatula muno mubaghile ulibombela linga muyoba na bangi isya lwitiko ulu muli nalo kwa Yehova.—Belenga Baroma 10:13-15.

Abingi bakwanda uyoba isi bamanyile ku aba bakwangala nabo pamo ku bakamu babo. Muyeghe bamahala uyoba ku bangi. Mubaghile uyoba nabo inunu isi Kyala akwisa pobabombela abandu ukinda ubabula ukuti ikipanga kyabo kyabutungulu. Mumanye ukuti abandu bohoboka fiyo nakayilo kinu akanunu ukinda isi mubaghile uyoba nabo pamulomo.—Belenga 2 Timoti 2:24, 25.

3. Ngimba tukaba findu fiki linga tumanyila amasyu gha Kyala?

Umanyila amasyu ghake kututula ukuya pabumanyani na Kyala. Tukuya pabumanyani fiyo na Yehova. Tukuya nu lusako lwakuya mu gulu lya bana bake.—Belenga 2 Bakorinti 6:18.

 4. Ukuti mukindilile umanyila iBaibolo

Ukindilila umanyila iBaibolo kubaghile ubatula ukuti mumanye fingi. (Abahiburi 5:13, 14) Suma Abaketi ba Yehova ukuti babatule umanyila iBaibolo. Abene babaghile umanyila nanumwe ibuku lya Kasi Baibolo Likusambizgachi Chomenechomene? Linga tukindilila umanyila Amasyu ghake tukuya nu bumi ubununu.—Belenga Salimo 1:1-3; 73:27, 28.

Inkhani inunu sifuma kwa Kyala. Tubaghile ukuya pabumanyani na Kyala linga tuli pabumanyani na bandu bake. (Abahiburi 10:24, 25) Linga mukindilila ubomba isi Kyala ohoboka nasyo, ubumi bwa bwila na bwila mukwisa pobwagha. Ubwanaloli bwakuti nakimo pa bumi bwitu iki kibaghile ukinda ukuya pabumanyani na Kyala.—Belenga 1 Timoti 1:11; 6:19.

 

Manyila Fingi

INGOMANO

Findu Fiki Fikubombiwa ku Nyumba ya Bunyafyale?

Mubuke ku Nyumba ya Bunyafyale ukuti mukete muno tubombela.

UMANYILA IBAIBOLO

Mubaghile Ukughagha Amansala

IBaibolo likwamula amalalusyo gha bandu abingi pakisu kyosa. Ngimba numwe muli na malalusyo aghakuti mwamuliwe?