Keta ifingi

Keta menu iyingi

Keta ifi filipo

Abaketi ba Yehova

Kyangonde

Amasyu Amanunu Aghakufuma kwa Kyala!

 MUTU 1

Amasyu Amanunu Findu Fiki?

Amasyu Amanunu Findu Fiki?

1. Amasyu amanunu gho ghaliku?

Kyala olonda abandu bahobokeghe nu bumi pa kisu. Apelile ikisu na fyosa ifi filimo nongwa ya lughano ku bandu bake. Kasyele akabalilo kanandi ukuti Kyala atendekesye ifindu pa kisu. Umwene olonda ukusosyapo indamyo sya bandu.—Belenga Yeremiya 29:11.

Lino amaboma ghatoliwe ukusosyapo ububine, ubwite pamopene nifwa. Loli inkhani inunu yakuti: Kyala akwisa kusosyapo amaboma ghosa agha ghalipo lino, iboma lyake likwisa pakwanda pakulaghila. Abandu bakwisa pohoboka nulutengano nu bumi ubununu.—Belenga Yesaya 25:8; 33:24; Danieli 2:44.

2. Nongwa yafiki abandu bolondiwa ukumanya amasyu amanunu mwanakalinga?

Indamyo syosa sikwisa kumalika linga Kyala asosyapo abandu ababibi bosa pa kisu. (Zefaniya 2:3) Akwisa kubomba ndili? Amasyu gha Kyala ghayobile isi sikwisa kubombiwa nkabalilo kalino. Isi sibombiwa sikunangisya ukuti Kyala ali pipi ukutendekesya ifindu.—Belenga 2 Timoti 3:1-5.

3. Ka uswe tubombe syafiki?

Tulondiwa ukumanyila iBaibolo. Lifwene ni kalata yakufuma kwa tata walughano. Likuyoba muno tubaghile ukwikalila kanunu kangi ukuti twisetuhoboke nu bumi bwa bwila na bwila munkyeni. Abandu bamo batohoboka linga mukumanyila iBaibolo. Loli tutangabapilikilagha papo ulu lusako lwitu.—Belenga Isya Mbupingamu 29:25; Ubusetuli 14:6, 7.