Keta ifingi

Keta menu iyingi

Keta ifi filipo

Abaketi ba Yehova

Kyangonde

Amasyu Amanunu Aghakufuma kwa Kyala!

 MUTU 3

Ngimba Bwanaloli Ukuti Amasyu Amanunu Agha Ghafumile kwa Kyala?

Ngimba Bwanaloli Ukuti Amasyu Amanunu Agha Ghafumile kwa Kyala?

1. Ngimba iBaibolo masyu ghani?

Amasyu amanunu aghakuti abandu bakwisa kwikala pa kisu bwila na bwila ghali mu Baibolo. (Salimo 37:29) Mu Baibolo muli amabuku 66. Kyala ababombile abandu 40 ukuti balembe amabuku agha. Amabuku 5 aghabwandilo alembile yo Mose, ifinja 3,500 kunyuma. Ibuku lya bumalikisyo mfundiwa Yohane yo alembile mu finja 1,900 kunyuma. Ngimba abandu aba balembile inyinoghono syabo? Kyala abombile isi mwa mbepo mwikemo. (2 Samueli 23:2) Inyinoghono isi balembile sya Kyala. IBaibolo gho masyu gha Kyala.—Belenga 2 Timoti 3:16; 2 Peteri 1:20, 21.

2. Ngimba iBaibolo lya bwanaloli?

Tumanya ukuti iBaibolo lya bwanaloli nongwa yakuti lifumile kwa Kyala, liyoba isi sikwisa kubombiwa munkyeni. Nayumo umundu uyu abaghile ukubomba isi. (Yoswa 23:14) Kyala yo mwene abaghile uyoba isi sikwisa munkyeni.—Belenga Yesaya 42:9; 46:10.

Ubu bwanaloli ukuti ibuku lyakufuma kwa Kyala moliyeghe. Amabaibolo amingi fiyo ghapangiwe munjobelo syakukindanakindana. Pankhani yasayansi, iBaibolo liyoba ubwanaloli. Abandu 40 aba balembile iBaibolo bakolelene. * IBaibolo likutumanyisya isya lughano lwa Kyala kangi lili namaka ghakusintha ubumi ukuya bununu. Iyi yo nongwa yake abandu bingi boyoba ukuti iBaibolo gho masyu gha Kyala. —Belenga 1 Batesalonike 2:13.

 3. Ngimba iBaibolo lili namasyu ghaliku?

IBaibolo likuyoba isi Kyala akwisa kubabombela abandu. Liyoba isi syabombiwe ukuti umundu ataghe ulusako lwakwikala mu paladaiso kangi akabalilo aka akwisa kutendekesya ifindu fyosa.—Belenga Ubusetuli 21:4, 5.

M’masyu gha Kyala muli indaghilo nubulongosi. Ukongelapo apa iBaibolo likuyoba muno Kyala obombela ifindu na bandu. Isi situtula umanya muno umwene ayilile. Tubaghile ukumanya Kyala linga tubelenga iBaibolo. Likuyoba muno tubaghile ukuya nawe pabumanyani.—Belenga Salimo 19:7, 11; Yakobu 2:23; 4:8.

4. Ngimba tubaghile ukubomba fiki ukuti tupilikisye isi sili m’Baibolo?

Akabuku aka kabaghile ubatula ukupilikisya iBaibolo. Syosa isi Yesu amanyisyagha syafumile m’Baibolo kangi abalinganiagha isi “sikunjoba yuyo.”—Belenga Luka 24:27, 45.

Amasyu gha Kyala manunu ukinda fyosa. Abandu bamo batolonda ukonga abangi batohoboka nagho. Mungabakongagha isi linga boyoba. Ukuti tuye nu bumi bwa bwila na bwila tulondiwa umanyila tasi amasyu gha Kyala. —Belenga Yohani 17:3.

 

^ ipal.7 Keta akabuku ka Buku la Anthu Onse.