Nuba soo ri jñanrra texe kʼo mama ne pajina

Nzhogu̷ge kja ne pajina yeje

Yo testigo e Jehová

jñatrjo

¿Kjo ra mimiji na yeje yo ya nrru̱u̱?

¿Kjo ra mimiji na yeje yo ya nrru̱u̱?

¿Pje i̱ mange?

  • Ja̱a̱.

  • Iyo.

  • Bʼu̷ma ja̱a̱.

 NE BIBLIA MAMA

“Mizhokjimi [ra tsjaa ke] ra teʼe kʼo ya ndu̱u̱.” (Hechos 24:15, Nu O̱ Jña Mizhocjimi nu mama ja ga cja e Jesucristo, ro junsʼu̷ kʼua jaga opju̷jidya.)

MA RA PJECHIJI KʼO MAMA NE BIBLIA

Dya ra sentioji kja in mu̷bʼu̷ji ma ra nrru̱u̱ na ntee kʼu̷ ri sʼiyaji (2 Corintios 1:3, 4).

Dya ra su̱goji rga tu̱ji (Hebreos 2:15).

Ra tenji kʼe paa ma ra yepe ra janrraji in pjamilia kʼo ya nrru̱u̱ (Juan 11:25).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • E Mizhokjimi o dyakoji in bida. Kja ne Biblia mama ke e Jeoba daku̷ji kʼu̷ ra bʼu̷bʼu̷ji (Salmo 36:9; Hechos 17:24, 25). Ma e Mizhokjimi o tsjaa ro bʼu̷bʼu̷ texe yo kjaa ajensʼe ñe yo kjaa kja ne Xoñijomu̷, xo so̷o̷ ra xosu̷ kʼo ya nrru̱u̱.

  • Mi jingua e Mizhokjimi o tsjapu̷ ro mimi na yeje kʼo ntee kʼo ya bi nrru̱u̱. Kja ne Biblia mama ke e Mizhokjimi o tsjaa ke ro mimiji kja ne xoñijomu̷ jñincho ntee kʼo ya bi nrru̱u̱, mi ngeji trʼii, xuntrʼi, nrrinxu ñe bʼe̷zo. E Mizhokjimi mi kjapu̷ ro mimi na yeje kʼo ntee kʼo kja bi nrru̱u̱, pe na bʼe̷zo a mi pe̷sʼi nziyo paa ke ya bi nrru̱u̱ (Juan 11:39-44).

  • E Mizhokjimi nee ra xosu̷ kʼo ya nrru̱u̱. E Jeoba dya nee ke ra nrru̱ji yo ntee. Ne Biblia mama ke angeze ra mbo̷xku̷goji ngekʼua dya kja ra tu̱ji (1 Corintios 15:26, Traducción del Nuevo Mundo). E Mizhokjimi dya ra jyombeñe yo ntee kʼo go tsjaji kʼo mi nee angeze, ngekʼua zo ya nrru̱ji, nee ke ra yepe ra mimiji kja ne Xoñijomu̷ (Job 14:14, 15).

 MU̸ GI O̸NU̸GE

Ma ga kjogu̷ yo paa, ¿pjekja ri paleji o ri maleji? ¿Pjekja ri tu̱ji?

Ri xorge pje mama ne Biblia kja GÉNESIS 3:17-19 ñe ROMANOS 5:12.