Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Kjo nge yo ntee yo na kjaji kʼo nee e Jehová yo paa yo ri ka̱ra̱jidya?

 XO̸RU̸ 5

¿Pje ri jñanrra ma ri maa nu ja ri jmurgojme?

¿Pje ri jñanrra ma ri maa nu ja ri jmurgojme?

Argentina

Sierra Leona

Bélgica

Malasia

Na punkju̷ ntee unu̷ji nguenrra ke kja o nitsjimi ñe kja o templo nu ja poji dya jichiji kʼo mama ne Biblia, ma pje kjogu̷ji dya dyo̷nbʼu̷ji ma bʼu̷nji na joo, ngekʼua dya kja nee ra mojinu. ¿Pjenga na joo ri maa nu ja jmuru̷ji yo testigo e Jehová? ¿Pje ra jitsʼijinu?

Jango ri jmurgojme, yo ntee yo pojinu sʼiyaji in dyojui ñe pjo̷sʼu̷ji. Kja kʼe siglo dʼaja, kʼo cristiano mi jmuru̷ji kja congregación, mi matrʼu̷ji Mizhokjimi, mi xo̷ru̷ji o jñaa ñe mi potka pjo̷sʼu̷ji (Hebreos 10:24, 25). Kʼo cristiano mi jingua me mi sʼiyaji o dyoji xo me mi joji na joo (2 Tesalonicenses 1:3; 3 Juan 14TNM). Ixi nge kʼo ri kjagojmedya ma ri jmurgojme.

Na joo ke ra kjaji kʼo mama ne Biblia. Mi jingua, ma mi jmuru̷ji yo kjuarma, mi pojinu bʼe̷zo, nrrinxu ñe tsʼitrʼi. Mi bʼu̷bʼu̷ bʼe̷zo kʼu̷ mi jichiji o kjuarma ja rgua tsjaji kʼo mi mama o jñaa e Mizhokjimi. Nudya, xo ri kjagojme ja ma tsjajikʼo (Deuteronomio 31:12; Nehemías 8:8). Nu ja ri jmurgojme, kʼo pojinu to̱nji trjo̱njo̱, ma kjaji trʼo̷nu̷ pasʼu̷ji o dye̷ji unu̷ji comentario (Hebreos 10:23).

Kʼo jitsʼkojme nu ja ri jmurgojme pjo̷xku̷jme ra kreojme Mizhokjimi. Na nu paa kʼe apóstol Pablo go xipji na congregación: “Me ri nee ra chje̷ji. Ri nee ra jitsʼiji kʼu̷ ya xo o jitsi Mizhokjimi, kʼua ja kjaa angeze, ngekʼua xo ra ze̷zhi in mu̷bʼu̷ji. Ri nee ra bʼu̷bʼu̷ kʼua ja in ka̱ra̱ji ngekʼua ra ma̷ja̷ in mu̷bʼu̷go. Xo ñetsʼkʼeji xo ra ma̷ja̷ in mu̷bʼu̷geji” (Romanos 1:11, 12). Ma ri pojme kja reunión, ri zenguajme ñe ri ñagojme ko yo in kjuarmajme, nujyo kjaku̷ ra ze̷zhi in mu̷bʼu̷jme ngekʼua ra se̷chijme yo nrrumu̷ ñe ra kjajme kʼo mama ne Biblia.

Ri zonkʼu̷jme ri mage nu ja ri jmurgojme. Me ra ma̷kjojme ma ra jantrʼkʼajmenu. Dya pje ri tsjontrʼu̷, dya xo ra dyo̷tkʼu̷ji merio.

  • Nzakja kʼo kjuarma kʼo mi jmuru̷ mi jingua, yo padya, ¿pje ri kjagojme ma ri jmurgojme?

  • ¿Ja ga mbo̷xku̷ji yo reunión?