Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Kjo nge yo ntee yo na kjaji kʼo nee e Jehová yo paa yo ri ka̱ra̱jidya?

 XO̸RU̸ 21

¿Pje nge kʼo kjaji a Betel?

¿Pje nge kʼo kjaji a Betel?

Departamento nu ja kjaji yo dibujo (Estados Unidos)

Alemania

Kenia

Colombia

Betel ngeje na jñaa hebreo kʼu̷ nee ra mama: Ngumu̷ Mizhokjimi (Génesis 28:17, 19, nota). Ngekʼua na joo ke go jñuspʼu̷ji Betel texe yo oficina kʼu̷ pe̷sʼiji yo testigo e Jehová kja nu Xoñijomu̷. Kʼo bʼe̷pji kʼo kjajinu nge pa ra mbo̷sʼu̷ yo ntee ra mba̱ra̱ji pje mama ne Biblia. Kʼe Cuerpo Gobernante bʼu̷bʼu̷ a Betel kja Nueva York (Estados Unidos), nunu nuji kʼo bʼe̷pji kʼo kjaji kja yo ngumu̷ Betel kʼu̷ bʼu̷nji kja na punkju̷ país. Texe kʼo kjuarma kʼu̷ pe̷pjiji a Betel mimiji nzakja na pjamilia, oxu̷jinu, ñonu̷jinu, pe̷pjijinu xo jmuru̷ji ra xo̷ru̷ji ne Biblia (Salmo 133:1).

Me na zo̷o̷ yo ngumu̷ Betel, kʼo bʼu̷bʼu̷nu pe̷pjiji na punkju̷, pe kjaji ko texe o mu̷bʼu̷ji. Texe yo bʼe̷zo ñe yo ndinxu kʼo ka̱ra̱ji a Betel pa̱ra̱ji na joo ne Biblia, pama pama pe̷pjijinu ñe mimiji ja ga nee e Jehová, neji ke yo ntee ra mba̱ra̱ji pje ra tsjaa o Reino Mizhokjimi kja ne Xoñijomu̷ (Mateo 6:33). Zo uiñiji ñe unu̷ji ja ra oxu̷ji, dya to̱nji merio, pe pjo̷sʼu̷jikʼo ngekʼua ra ndomu̷ji kʼo nestaji. Bʼu̷nkʼo pe̷pjiji kja oficina, bʼu̷nkʼo pe̷pjiji kja ngosina, bʼu̷nkʼo pe̷pjiji kja comedor, bʼu̷nkʼo a̷trʼa̷ji yo libro, bʼu̷nkʼo paxu̷ji ja oxu̷ji, bʼu̷nkʼo pedyeji yo bʼitu ñe bʼu̷nkʼo joku̷ji yo máquina ma sʼodʼu̷ji.

Na punkju̷ bʼe̷pji kʼo kjaji a Betel ngekʼua yo ntee ra mba̱ra̱ji o Reino Mizhokjimi. Kʼo bʼe̷pji kʼo kjaji a Betel nge pa ra mbo̷sʼu̷ji yo ntee ra pjechiji pje mama ne Biblia, nzakja ne skuama kʼu̷ i xo̷rge. Kʼe Cuerpo Gobernante nuu kʼu̷ ra mbedye na joo yo skuama, ma ya na jotrjo, penpeji yo kjuarma kʼo pe̷pji a Betel kʼo bʼu̷bʼu̷ kja texe ne Xoñijomu̷ ngekʼua ra dyopju̷ji ja ga ñaji kja in país. Ma ga nguaru̷ji ga dyopju̷ji yo skuama, kjanu pejñeji kja yo imprenta, dabadiji ga mbedye na punkju̷ skuama, ixi kjogu̷trjo ciento diez mil congregación nu ja pejñeji yo skuamayo. Texe yo bʼe̷pji kʼo kjaji a Betel nge pa ra kjajme na bʼe̷pji kʼu̷ xe nda ni mubi, nge pa ra jichijme yo ntee kʼo mama ne Biblia (Marcos 13:10).

  • ¿Kjo nge yo pe̷pji a Betel ñe pje unu̷jinu?

  • ¿Pjekja pe̷pjiji na punkju̷ a Betel?