Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Kjo nge yo ntee yo na kjaji kʼo nee e Jehová yo paa yo ri ka̱ra̱jidya?

 XO̸RU̸ 16

Bʼu̷nkʼo kjuarma kʼo pjo̷sʼu̷ yo otrʼu̷ axojñi, ¿pje ma bʼe̷pji nge kʼo kjajikʼo?

Bʼu̷nkʼo kjuarma kʼo pjo̷sʼu̷ yo otrʼu̷ axojñi, ¿pje ma bʼe̷pji nge kʼo kjajikʼo?

Myanmar

Ma kjogu̷ axojñi kja plataforma

Jitsʼkojme ja rga zopju̷jme yo ntee

Kjaji bʼe̷pji kja kʼe ngumu̷ nu ja ri jmurgojme

Kja ne Biblia mama ke kja yo congregación bʼu̷bʼu̷ kjuarma kʼo otrʼu̷ axojñi xo bʼu̷bʼu̷ kjuarma kʼo pjo̷sʼu̷ yo otrʼu̷ axojñi (Filipenses 1:1TNM). Kja yo congregación bʼu̷bʼu̷ na punkju̷ kjuarma kʼu̷ pjo̷sʼu̷ji yo otrʼu̷ axojñi, ¿pje ma bʼe̷pji kjaji nu ja ri jmurgojme?

Pjo̷sʼu̷ji yo kjuarma kʼu̷ otrʼu̷ axojñi. Angezeji kjaji kʼo mama ne Biblia xo kjaji na joo kʼo xipjiji yo kjuarma kʼu̷ otrʼu̷ axojñi. Bʼu̷nkʼo kja trʼii ñe kʼo ya paleji. Kʼo kjuarma kʼu̷ otrʼu̷ axojñi xipjiji pje ma bʼe̷pji ra tsjaji nu ja jmuru̷ji. Ga kjaba kʼo kjuarma kʼu̷ otrʼu̷ axojñi so̷o̷ ra mbo̷ru̷ji ñe ra jichiji na joo yo ntee nu ja jmuru̷ji.

Kʼo kjaji angezeji pjo̷xku̷jme na punkju̷. Ma ri pe̷sʼijme reunión, yo kjuarma kʼo pjo̷sʼu̷ yo kjuarma kʼu̷ otrʼu̷ axojñi zenguaji yo ntee ñe xipjiji ja ra mimiji, chju̷tʼu̷ji nu bʼizhi ngekʼua ra zu̷nu̷, unu̷ji o xiskuama yo kjuarma nzakja yo revista ñe yo libro. Chju̷ma chju̷ma pezheji yo merio ke ri jutrʼu̷jme kja yo tsʼicaja ma ri jmurgojme, xo manji ja ra zopju̷jme yo ntee ra jichijme kʼo mama ne Biblia. Xo nuji pje bʼe̷xtrjo ngekʼua ra ndomu̷ji, joku̷ji kʼo sʼodʼu̷ kja kʼe ngumu̷ nu ja ri jmuru̷jme. Xo pjo̷sʼu̷ji yo tsʼipale ñe yo tsʼimale. Yo kjuarma janrraji ja ga pe̷pjiji kʼo kjuarma kʼu̷ pjo̷sʼu̷ji yo otrʼu̷ axojñi ngekʼua me nejikʼo (1 Timoteo 3:13).

Angezeji kjaji ja ga nee e Jehová, ga kjaba jitsʼkojme ja rga mimijme. Mu̷ bʼu̷bʼu̷ na kjuarma kʼu̷ kjaa ja ga mama ne Biblia, nge angeze ke ra juajnu̷ji ra mbo̷sʼu̷ yo kjuarma kʼu̷ otrʼu̷ axojñi. Ma kjogu̷ji axojñi kja plataforma jitsʼkojme jñaa kʼu̷ pjo̷xku̷jme na punkju̷. Angezeji jichiji yo ntee kʼo mama ne Biblia. Me ri ma̷kjojme ma ri janrrajmekʼo, ngekʼua ri nee ra kjagojme kʼua ja ga tsjaji. Angezeji pjo̷xku̷jme ngekʼua ra ka̱rgojme na joo ñe dya ra kjagojme chu̱ʼu̱ ko in dyokjojme (Efesios 4:16TNM). Ma ra kjogu̷ yo paa, nujyo kjuarma so̷o̷ ra tsjaji nzakja yo kjuarma kʼu̷ otrʼu̷ axojñi.

  • ¿Ja ga kjaa yo kjuarma kʼu̷ pjo̷sʼu̷ji yo otrʼu̷ axojñi?

  • ¿Pje ma bʼe̷pji kjaji yo kjuarma kʼu̷ pjo̷sʼu̷ji yo otrʼu̷ axojñi?