Nuba soo ri jñanrra texe kʼo mama ne pajina

Unu̷ge klik ngekʼua ri jñanrra yo ri xoru̷

 XO̸RU̸ 28

¿Pje ri cho̷trʼu̷ge kja in sitiogojme web ke ri pe̷skʼojme kja Internet?

¿Pje ri cho̷trʼu̷ge kja in sitiogojme web ke ri pe̷skʼojme kja Internet?

Francia

Polonia

Rusia

E Jesús go xipji kʼo o discípulo: “Ri jue̷sigeji a jmii yo ntee, ngekʼua ra nuji kʼu̷ in kjageji na joo, ñeje ra matrʼu̷ji Mizhokjimi kʼu̷ bʼu̷bʼu̷ ajensʼe” (Mateo 5:16NTD). Pa ra kjagojme kʼo go mama e Jesús ro kuatrʼu̷jme na página kja Internet. Ngextrjo kja www.jw.org mama pje ri kjagojme ñe pje ri kreojme yo ri testigojme e Jehová. ¿Pje ri pe̷sʼigojmenu?

Ri cho̷trʼu̷genu yo trʼo̷nu̷ kʼo kjaji yo ntee ja ga kjaa kʼo mama ne Biblia. Kja kʼe sitio nu ri pe̷skʼojme kja Internet ri cho̷trʼu̷ kʼe skuama kʼu̷ ni chju̱u̱ ¿Kjo gi nee ri pa̱ra̱ pje ni mbe kʼo na kjuana? Ne skuama mama ñanto trʼo̷nu̷ kʼu̷ kjaji yo ntee. Ixi kjogu̷ cuatrociento idioma kʼu̷ ri opju̷jme ne skuama. Xo ri cho̷trʼu̷genu ne Biblia Traducción del Nuevo Mundo ixi kjogu̷ cien idioma, xo ri cho̷trʼu̷ge skuama kʼo ri jichigojme yo ntee kʼo mama o Jñaa e Mizhokjimi, nzakja kʼe skuama ¿Qué enseña realmente la Biblia?, yo skuama La Atalaya ñe ¡Despertad! kʼo kja dʼadyo. Yo skuamayo so̷o̷ ri dya̷ra̷, xo so̷o̷ ri pjongu̷ge kja PDF o EPUB ngekʼua ri so̷o̷ ri jñanrra kja computadora. Mu̷ bʼu̷bʼu̷ na ntee ke nee ra xo̷ru̷ yo skuama, so̷o̷ ri pjongu̷ge copia ngekʼua ri unu̷ge. Xo ri cho̷trʼu̷genu video kja na punkju̷ lenguaje de señas. Mu̷ gi nee, so̷o̷ ri pjongu̷genu kʼo ri dya̷ra̷ kʼo mama ne Biblia ñe drama kʼu̷ ra mbo̷xkʼu̷ ri tsjage kʼo nee e Mizhokjimi. Xo ri cho̷trʼu̷genu bʼizhi kʼu̷ ri dya̷ra̷ ma ri soya.

Ri cho̷trʼu̷genu pje ri kjagojme yo ri testigojme e Jehová. Kja in sitiogojme kja Internet ri cho̷trʼu̷ge pje kjogu̷zgojme, ja ga kjagojme in bʼe̷pjigojme kja nrrexe nu Xoñijomu̷ ñe ja ga pjo̷sʼu̷jme in dyokjojme. Xo ri xo̷ru̷gekʼo, o so̷o̷ ri jñanrragekʼo kja na video. So̷o̷ ri cho̷trʼu̷genu jingua ra jmurgojme kja asamblea ñe pje ri tsjage ma gi nee ri zopju̷ kja sucursal ja pe̷pjiji yo testigo e Jehová.

Ri kjagojme in bʼe̷pjigojme ngekʼua ra pjo̷sʼu̷jme yo ntee ra mba̱ra̱ji e Mizhokjimi kja nrrexe ne Xoñijomu̷, zo me na je̱e̱ ja bʼu̷nji nzakja kʼo ka̱ra̱ kja kʼe continente ke ni chju̱u̱ Antártida. Me ri o̷tu̷jme Mizhokjimi Jehová sido ra mbo̷xku̷gojme ngekʼua “ra zopju̷jme na punkju̷ [...] ntee ra xipjijme o jñaa Mizhokjimi” ngekʼua ra mba̱ra̱ji kjo nge angeze (2 Tesalonicenses 3:1).

  • ¿Ja ga pjo̷sʼu̷jme yo ntee kja www.jw.org ngekʼua ra mba̱ra̱ji Mizhokjimi?

  • ¿Pje ri cho̷trʼu̷ge kja in sitiogojme kja Internet?