Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Kjo nge yo ntee yo na kjaji kʼo nee e Jehová yo paa yo ri ka̱ra̱jidya?

 XO̸RU̸ 8

Ma ri jmuru̷jme, ¿pjekja ri jegojme bʼitu kʼu̷ na zo̷o̷?

Ma ri jmuru̷jme, ¿pjekja ri jegojme bʼitu kʼu̷ na zo̷o̷?

Islandia

México

Guinea-Bissau

Filipinas

A gui jñanrrageba kja ne xiskuama ja ga kjaa yo bʼitu kʼu̷ ri jegojme yo ri testigojme e Jehová ma ri pojme nu ja ri jmurgojme. Ri jegojme bʼitu kʼo me na zo̷o̷. ¿Pjekja ri kjagojme ga kjanu?

Ri respetaojme in Mizhokjimigojme. Ri pa̱ra̱jme ke e Mizhokjimi sʼiya nrrexe yo ntee, angeze dya janrra ja ga kjaa in bʼitugojme, dya janrra kjo na zo̷o̷ o kjo dya na zo̷o̷ (1 Samuel 16:7). Ma ri jmurjme ri jegojme in bʼitu kʼu̷ ra ñetsʼe na joo ngekʼua yo ntee ra jñanrrgajme ri kjagojme kʼo na joo ja ga nee e Mizhokjimi. Nzakja mu̷ ro bʼu̷bʼu̷ na ntee kʼu̷ xojñi jmuʼu kja in país, ro xitsʼi rgui mage ja pe̷pjikʼu̷, ¿ja rga kjaa in bʼitu kʼu̷ ri jyege? E Jehová ngeje Xojñi Jmuʼu nrrexe kja ne Xoñijomu̷, ngekʼua ma ri pojme nu ja ri jmurjme ri jegojme bʼitu kʼu̷ ñetsʼe na joo. Ga kjanu ñetsʼe ke me na joo kʼo jitsʼkojmenu (Génesis 18:25).

Yo ntee ra unu̷ji nguenrra ke bʼemi ri kjagojme kʼo na joo. Ne Biblia mama ke yo ntee yo matrʼu̷ji Mizhokjimi jeji o bʼitu kʼu̷ ñetsʼe na joo ñe “dya nda ni mubi” (1 Timoteo 2:9, 10, yo dʼayʼo jñaʼa mižokjimi kʼwaja ga tʼopjü kja jñatjo [NTD]). Ngekʼua dya ri jegojme bʼitu kʼu̷ na nzhu̷ʼu̷, yo bʼitu kʼu̷ kjapu̷jme ra ñetsʼe in kuerpo, yo bʼitu kʼu̷ na nojo o kʼu̷ na tsʼikʼe. Zo nge ga kjanu, kʼo mama ne Biblia pjo̷xku̷jme ra juajnu̷jme pje ma bʼitu ra jegojme. Ma ra jegojme in bʼitu kʼu̷ na zo̷trjo ñe kʼu̷ dya na poxu̷, ga kjanu “ra unu̷ nguenrra yo ntee, kʼu̷ na joo [o] jñaa [...] Mizhokjimi”. Zo dya pje ra xipjiji, angezeji ra nee ra tsjaji kʼo mama e Jehová (Tito 2:10; 1 Pedro 2:12). Ma ri pojme jakʼo ri jmurjme ri jegojme bʼitu kʼu̷ na zo̷trjo, ga kjanu yo ntee unu̷ji nguenrra ri kjagojme kʼo mama e Jehová kja ne Biblia.

Dya ri xitsʼi ri jyee bʼitu kʼu̷ na mizhi ngekʼua ri mage ja ri jmurgojme. Ma ri mage dya ri jyee bʼitu kʼu̷ na poxu̷, ri jyodʼu̷ bʼitu kʼu̷ na joo rga ñetsʼe kʼua ja ga nee e Jehová.

  • Ma ri jmuru̷jme, ¿pjekja ri jegojme bʼitu kʼu̷ na zo̷o̷?

  • ¿Ja ga mbo̷xku̷jme ne Biblia ngekʼua ra juajnu̷jme pje ma bʼitu ra jegojme?