Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Kjo nge yo ntee yo na kjaji kʼo nee e Jehová yo paa yo ri ka̱ra̱jidya?

Yo ri testigojme e Jehová ri ka̱rgojme kja texe nu Xoñijomu̷. Nutsʼkojme ri ñagojme nʼaño idioma ñe nʼaño ja ga minkʼojme. Zo nge ga kjanu, ¿pje pjo̷xkojme ra minkʼojme na joo ko in dyokjojme?

¿Pje nee e Mizhokjimi ke ra kjaji?

Mizhokjimi nee ke texe yo ntee kʼo ka̱ra̱ kja ne Xoñijomu̷ ra mba̱ra̱ji pje ra tsjaa angeze. ¿Pje nee e Mizhokjimi ke ra kjaji ñe kjo ngeje kʼo jichiji yo ntee ra tsjaji kʼo mama angeze?

¿Ja ga kjazgojme yo ri testigojme e Jehová?

¿Janzi testigo e Jehová gi pa̱rge? ¿Gi pa̱rge na joo ja ga kjazgojme?

¿Pjekja ni chju̱zgojme testigo e Jehová?

Jñandaba ngekʼua ri pa̱rge pjekja ni chju̱zgojme testigo e Jehová.

¿Pje go tsjaji yo testigo e Jehová ngekʼua ro mba̱ra̱ji kʼo na kjuana?

¿Pjekja ri mangojme ke bʼemi ri pa̱rgojme pje mama ne Biblia?

¿Pjenga go tsjaji ne Biblia Traducción del Nuevo Mundo?

¿Pjenga ne Biblia Traducción del Nuevo Mundo dya chjenjui kʼo ñaja Biblia?

¿Pje ri jñanrra ma ri maa nu ja ri jmurgojme?

Ri jmurgojme ngekʼua ra xo̷ru̷jme o Jñaa Mizhokjimi ñe ra potka pjo̷sʼu̷jme. Me ri ma̷kjojme ma ri mage ja ri jmurgojme.

¿Pjekja na joo kʼu̷ ra jmurgojme ko in kjuarmagojme?

O Jñaa Mizhokjimi xitsiji ra jodʼu̷ji ntee kʼu̷ kjaji kʼo mama angeze ngekʼua ra joji. Jñandaba ja rga mbo̷xkʼu̷ge ma ri tsjagekʼo.

¿Pje ri kjajme ma ri jmurgojme kja congregación?

¿Gi pa̱rge pje ri kjagojme ma ri jmurgojme? Ma ri maa nu ja ri jmurgojme ri unkʼe nguenda ke mejme jitsʼkojmenu kʼo mama ne Biblia.

Ma ri jmuru̷jme, ¿pjekja ri jegojme bʼitu kʼu̷ na zo̷o̷?

¿E Mizhokjimi janrrgagoji pje ma bʼitu ri jeji? Xo̷ru̷geba ja ga mbo̷xku̷jme ne Biblia ngekʼua ra juajnu̷jme pje ma bʼitu ra jegojme.

¿Ja rgi xo̷ru̷ge yo skuama ante ke ri mage kja reunión?

Ante ke ri maa ja jmuru̷ji yo testigo e Jehová na joo ke ri xo̷ru̷ge yo skuama yo ra xo̷ru̷jinu ngekʼua dabaditrjo ri pjechi.

¿Pje kjaji yo pjamilia ma jmuru̷ji na paa nu ngoʼo?

Xo̷ru̷ba ngekʼua ri ñuu pjekja na joo ri tsjagekʼo ngekʼua ri che̷zhge a jmii Mizhokjimi ñe ri potki sʼiya in pjamilia.

¿Pjenga ri kjagojme asamblea?

Tsje̷ma tsje̷ma ri jmurgojme jñii bes, ¿ja rga mbo̷xkʼu̷ ma ri mage ja ri jmurgojme?

Yo testigo e Jehová, ¿ja je pa zopju̷ji yo ntee ñe pje jichiji?

¿Ja ga xa̷ka̷jmedya e Jesús yo ri testigojme e Jehová ma ri jichkʼojme yo ntee?

¿Pje kjaa na precursor?

Bʼu̷bʼu̷ testigo e Jehová kʼu̷ kjaji treinta, cincuenta, setenta ñe ciento treinta ora nzi na zana kʼu̷ jichiji yo ntee o Jñaa Mizhokjimi. ¿Pjekja kjaji ga kjanu?

¿Pje ma escuela xampu̷ji ngekʼua ra moji yo precursor?

¿Ja ga jichiji yo kjuarma ñe yo kju̱ʼu̱ kʼu̷ xo̷pu̷ji yo ntee o Jñaa e Mizhokjimi na punkju̷ paa?

¿Pje kjaji yo kjuarma kʼo otrʼu̷ axojñi kja yo congregación?

Yo kjuarma kʼu̷ otrʼu̷ axojñi kjaji kʼo mama e Jehová, jichiji ñe pjo̷sʼu̷ji yo kjuarma, ¿ja ga tsjajikʼo?

Bʼu̷nkʼo kjuarma kʼo pjo̷sʼu̷ yo otrʼu̷ axojñi, ¿pje ma bʼe̷pji nge kʼo kjajikʼo?

Yo kjuarma kʼu̷ pjo̷sʼu̷ji yo kjuarma kʼu̷ otrʼu̷ axojñi kjaji na punkju̷ bʼe̷pji? Jñandaba ngekʼua ri pa̱rge pje ma bʼe̷pji kjaji ñe ja ga mbo̷xku̷ji.

¿Ja ga mbo̷xku̷jme yo superintendente kʼu̷ kjiñiji yo congregación?

¿Pjenga yo superintendente kjiñiji yo congregación? ¿Ja ga mbo̷xku̷jme yo superintendente ma kjiñizgojme?

¿Jango ri pjo̷sʼu̷jme in kjuarmagojme ma ga supjreji?

Ma kjogu̷ kʼo na sʼoo, nzakja ma ga mbii nu xoñijomu̷ ñe ma ga ñe̱je̱ trʼadyebʼe kʼu̷ tu̱mbu̷ o ngumu̷ yo ntee, yo ri testigojme e Jehová dabadiji ri pjo̷sʼu̷jme yo ntee. ¿Ja ga kjagojmekʼo?

¿Kjo nge “kʼe mbe̷pji” kʼu̷ “kjaa kʼua ja nzi ga mama o lamu ñe kʼu̷ kjijñi na joo”?

E Jesús o mama ro ñe̷me “mbe̷pji” ngekʼua ro jichiji in dyoji ro tsjaji ja ga nee e Jehová. ¿Pje ma bʼe̷pji kjajikʼo?

¿Ja ga pe̷pji kʼe Cuerpo Gobernante?

Kja kʼe siglo dʼaja, a Jerusalén mi bʼu̷bʼu̷ kʼo apostole ñe kʼo mi otrʼu̷ axojñi, angezeji mi manji ja rgua pe̷pjiji kja kʼo kjuarma kʼu̷ bi juajnu̷ Mizhokjimi ro moji ajensʼe. Xo akjanu yo padya, yo kjuarma kʼu̷ ngeji kʼe Cuerpo Gobernante pe̷pjiji kʼua ja nzi go tsjaji mi jingua.

¿Pje nge kʼo kjaji a Betel?

A Betel kjaji na punkju̷ bʼe̷pji kʼu̷ mi na mubi. ¿Gi nee ri pa̱rge pje ma bʼe̷pji kjajinu?

¿Pje kjaji yo testigo e Jehová kja yo sucursal?

Mu̷ gi nee, so̷o̷ ri ma jñanrra ja ga pe̷pjijinu. Bʼu̷bʼu̷ kjuarma kʼu̷ ra xitsʼige ñe ra jitsʼi kʼo kjaji kja yo oficina a Betel.

¿Ja ga dyopju̷ji yo skuama kja na punkju̷ idioma?

Ixi kjogu̷ seteciento idioma kʼu̷ ri opju̷jme skuama. ¿Pjekja ri kjajme ne bʼe̷pji ko texe in mu̷bʼu̷jme?

¿Ja mbedye texe nu merio kʼu̷ ri kjagojme in bʼe̷pjigojme?

Yo ñaja religión o̷ru̷ji merio yo ntee, pe yo ri testigojme e Jehová, ¿ja mbedye yo merio ke ri kjagojme in bʼe̷pjigojme?

¿Ja ga ja̷nkʼojme yo ngumu̷ ja ri jmurgojme?

¿Pje ri kjagojme kja yo ngumu̷ ja ri jmurgojme? Jñanrraba ja ga mbo̷xku̷jme ra kjajme in bʼe̷pjigojme yo ngumu̷ ja ri jmurgojme, zo dya nrra na nojokʼo.

¿Ja ga pjo̷ru̷jme yo ngumu̷ nu ja ri jmuru̷jme yo ri testigojme e Jehová?

Kja kʼe ngumu̷ ri pjechijme pje nee e Mizhokjimi ke ra kjajme, ngekʼua na joo ke ra paxu̷jme, ra trjintsijme ñe ra kansʼajme yo kañabʼu̷. ¿Pje ma bʼe̷pji nge yo ri kjagojme kja kʼe ngumu̷ nu ja ri jmurgojme?

¿Ja ga mbo̷xkojme yo skuama kʼu̷ bʼu̷bʼu̷ nu ja ri jmurgojme?

¿Gi nee ri pa̱ra̱ na joo kʼo mama ne Biblia? ¿Gi nee ri pa̱ra̱ pje nee ra mama kʼo junsʼu̷ kja na versículo kja ne Biblia? ¡Ma jyodʼu̷ge pje mama yo xiskuama kʼo bʼu̷bʼu̷ kja kʼe ngumu̷ nu ja ri jmurgojme!

¿Pje ri cho̷trʼu̷ge kja in sitiogojme web ke ri pe̷skʼojme kja Internet?

Kja jw.org so̷o̷ ri cho̷trʼu̷ge pje ri kjagojme ñe pje ri kreojme yo ri testigojme e Jehová ñe yo trʼo̷nu̷ kʼo kjaji yo ntee ja ga kjaa kʼo mama ne Biblia.

¿Ri tsjage kʼo nee e Jehová?

E Mizhokjimi Jehová me netsʼe. ¿Ja rgi tsjage pama pama kʼo nee angeze?