Nuba soo ri jñanrra texe kʼo mama ne pajina

Nzhogu̷ge kja ne pajina yeje

Yo testigo e Jehová

jñatrjo

¿Pje ngeje nu Reino Mizhokjimi?

¿Pje ngeje nu Reino Mizhokjimi?

¿I mange...

  • ... je bʼu̷bʼu̷ amboo kja in mu̷nkʼoji?

  • ... ngeje nu ja poji yo ntee ma ga nrru̱ji?

  • ... ngeje na gobierno ajensʼe?

 NE BIBLIA MAMA

“E Mizhokjimi ajensʼe ra ñesʼe naja kʼu̷ ra manda kja o reino, dya xi nguaru̷ rga manda.” (Daniel 2:44, Traducción del Nuevo Mundo.)

“Nukʼu̷, ra mbe̷zhi na nojokʼu̷, nangeje nge o Trʼii Mizhokjimi kʼu̷ bʼu̷bʼu̷ ajensʼe. Mizhokjimi kʼu̷ in jmugoji ra ñe̷me kʼu̷ nu Trʼii ra manda [...] para siempre.” (Lucas 1:32, 33, Nu O̱ Jña Mizhocjimi nu mama ja ga cja e Jesucristo, ro junsʼu̷ kʼua jaga opju̷jidya.)

MA RA PJECHIJI KʼO MAMA NE BIBLIA

  • Ra pa̱rgoji ja rga mbo̷xkoji nzi dʼazgoji nu gobierno e Mizhokjimi (Isaías 48:17, 18).

  • Ra pa̱rgoji ke ra so̷o̷ ra ma̷ji ma ra minjigua kja Xoñijomu̷ kʼu̷ mi rra jotrjo, dya kja ra so̷dyeji (Apocalipsis 21:3, 4).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • Kʼo go tsjaa e Jesús go ñetsʼe pje ra tsjaa ma ra manda kja nu Reino Mizhokjimi. Angeze go jichi kʼo discípulo ja rgua dyo̷tu̷ji Mizhokjimi, go xipji ro dyo̷tu̷ji ro mbejñe o Reino ra gobernao kja ne Xoñijomu̷ ngekʼua nrrexe yo ntee ra tsjaji kʼo nee e Mizhokjimi (Mateo 6:9, 10, Traducción del Nuevo Mundo). Kʼo go tsjaa e Jesús ñetsʼe ja rga minji yo ntee ma ra za̷dʼa̷ yo ri o̷tu̷ji Mizhokjimi.

    Ma e Jesús go bʼu̷bʼu̷ kja ne Xoñijomu̷ go uiñi na punkju̷ ntee, go tsjapu̷ ro kʼueñe o ngijeme kʼo mi soji ñe o xosʼu̷trjo kʼo ntee kʼo ya bi nrru̱u̱ (Mateo 15:29-38; Juan 11:38-44). E Jesús ngeje kʼe Rey kʼu̷ ra manda kja o Reino Mizhokjimi, ngekʼua kʼo go tsjaa angeze ñetsʼe ke ma ra za̷dʼa̷ nu paa ma ra manda kja ne Xoñijomu̷ ra mbo̷sʼu̷ yo ntee (Apocalipsis 11:15).

  • Yo na sʼoo yo na kjogu̷ ñetsʼe ke dya kja ra mezhe ra gobernao kja ne Xoñijomu̷ o Reino Mizhokjimi. E Jesús go mama ke ro jandaji ro kjogu̷ kʼo me na sʼoo nuba kja ne Xoñijomu̷, ro jandaji na punkju̷ chu̱ʼu̱ kʼu̷ ro tsjaji yo país, ro jandaji ja ga nrru̱ji trjijmi na punkju̷ ntee ñe ro mbii na ze̷zhi nu Xoñijomu̷. Ma ro janrrajikʼo dya kja ro mezhe ro manda o Reino Mizhokjimi (Mateo 24:3, 7).

    Texeyo, nge yo na kjogu̷ kja ne Xoñijomu̷, je ga kjanu ri unkʼoji nguenrra dya kja ra mezhe ra manda o Reino Mizhokjimi ra kjuatu̷ texe kʼo na sʼoo.

 MU̸ GI O̸NU̸GE

¿Ja rga minkʼoji ma ra gobernao o Reino Mizhokjimi?

Ri xo̷rge pje mama ne Biblia kja SALMO 37:29 ñe ISAÍAS 65:21-23.