Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

¿Pje mama ne Biblia?

 XORU̸ 19

E Jesús o mama pje ro kjogu̷ yo paa yo ri ka̱ra̱jidya

E Jesús o mama pje ro kjogu̷ yo paa yo ri ka̱ra̱jidya

E Jesús o unu̷ na señal ngekʼua ro mba̱ra̱ji jingua ro manda kja o Reino Mizhokjimi, ñe o xipji pje ro nuji ma ya ro chezhi kʼo paa ma e Mizhokjimi ro kjuatu̷ kʼo na sʼoo

YA BI kjogu̷ paa ma e Jesús o xipji o apóstole ro za̷dʼa̷ kʼe paa ma ro “kjuatu̷ nrrexe kʼo na sʼoo kʼo bʼu̷bʼu̷ kja ne Xoñijomu̷”. Ma mi bʼu̷nji kja kʼe ngumu̷ ja mi matrʼu̷kjimi, e Jesús go xipji o apóstole ro za̷dʼa̷ kʼe paa ma ro chjotu̷ji kʼe ngumu̷. Kjanu o mbe̷dye̷ji o moji kja kʼe trʼeje Olivos, nujnu ma joo ma ñetsʼe a maa a Jerusalén ñe o ngumu̷ ja mi matrʼu̷kjimi (Mateo 13:40, 49NM). Nziyo apóstole mi nee ro mba̱ra̱ji jama kjaa kʼo jñaa kʼo bi mama e Jesús, ngekʼua o dyonu̷ji: “Xitsʼkʼojme pje ma señal kʼu̷ rga pa̱rgojme jingua ri e̱je̱ ñe ma ra nguaru̷ texe kʼo na sʼoo kʼo bʼu̷bʼu̷ kja ne Xoñijomu̷” (Mateo 24:3NM).

O unu̷ na señal ngekʼua kʼo discípulo ro mba̱ra̱ji ma ya ro chezhi kʼo paa ma ro chjotu̷ji e Jerusalén, ñe kʼe ngumu̷ ja mi matrʼu̷kjimi Jeoba. Kʼo jñaa kʼo o mama e Jesús zo o za̷dʼa̷ mi jingua, nrro ra za̷dʼa̷ yo paa yo ri ka̱ra̱jidya. O mama pje nrre ro nuji pje nrre ro kjogu̷ kja ne Xoñijomu̷ ixto bʼu̷bʼu̷ paa ma ro nuji ro za̷dʼa̷ nrrexe nujyo, mi ngeje na señal kʼu̷ o unu̷ ngekʼua ma ro jantrjikʼo ro pa̱ra̱ji bi sa̷ja̷ kʼe paa ma e Jeoba ro ñeme Rey e Jesús ajensʼe. Bʼe̷zhi tsʼe̷ kʼu̷ e Jesús ra kjuatu̷ texe yo ntee kʼo manda kja ne Xoñijomu̷, ñe yo religión kʼu̷ dya ga kjuana, ñe texe yo ntee kʼo kjaji kʼo na sʼoo. Akjanu ra tsjaa dʼadyo ne Xoñijomu̷ ra ngu̷sʼu̷ texe kʼo na sʼoo, ra mimiji na joo.

E Jesús go mama kʼu̷ ma ro mbe̷zhi rey ajensʼe, kja ne Xoñijomu̷ ro tsjaa chu̱ʼu̱, ro bʼu̷bʼu̷ ntee kʼu̷ ro kjogu̷ trjijmi, ro mbii na zezhi ne xoñijomu̷, o mama ro nzhodʼu̷ nrrotkʼijeme kja ne Xoñijomu̷ ñe yo ntee dya kja ro dya̷ta̷ji yo gobierno. Kʼo ntee kʼu̷ ro manji nge o discípulo e Jesús ro zopju̷ji ñe ro jichi yo ntee pje ni mbeje o Reino e Mizhokjimi. Dya ngextrjo yo ra jantrji, nrro ra sa̷ja̷ kʼe paa ma “me ra supjreji na punkju̷” nzakja kʼu̷ dya po ri jantrji (Mateo 24:21).

¿Jargua mba̱ra̱ji yo cristiano jingua ro za̷dʼa̷ kʼe paa ma ra supjreji na punkju̷? E Jesús o mama: “Nutsʼkʼeji ri unu̷ji nguenrra yo zaʼa yo xiji higo” (Mateo 24:32). O ñaa ga kjanu e Jesús nange ri pa̱rgoji kʼe zaʼa kʼu̷ xiji higo ma ri jantrji ga mbe̷ʼe̷ o xii, ri pa̱rgoji nge ma ya ba sa̷ja̷ ra paja ne xoñijomu̷. Xo ga kjatrjodyakʼua, ma ra jantrji kʼe señal kʼu̷ o mama e Jesús, nge ma ya rni nguaru̷ texe kʼo bʼu̷bʼu̷ kja ne Xoñijomu̷. Nudyakʼua ma nrro ra sa̷ja̷ kʼe paa ma me ra supjreji yo ntee e Jesús o mama ngextrjo e Jeoba pa̱ra̱ pje ma paa ñe pje ma nrrame ra kjogu̷kʼo, ngekʼua o mama: “Pjotpu̷ji nguenda; chepkʼegoji; sido ri dyotu̷ji Mizhokjimi, na ngeje dya i̱ pa̱ra̱geji jingua ra za̷dʼa̷ kʼe paakʼu̷” (Marcos 13:33).

(Nu kʼo gua e̱je̱ba xo ri jyodʼu̷ kja Mateo nu capítulo 24 ñe 25, Marcos nu capítulo 13 ñe Lucas nu capítulo 21.)

^ par. 14 Bʼu̷bʼu̷ na libro kʼu̷ ni chju̱u̱ ¿Qué enseña realmente la Biblia?, ne libro o dya̷trji yo nrrestigo e Jeoba, nu capítulo 9 ri xoru̷ jaga kjaa yo mamaba.