Nuba soo ri jñanrra texe kʼo mama ne pajina

Nzhogu̷ge kja ne pajina yeje

Yo testigo e Jehová

jñatrjo

¿Kjo nge kʼu̷ go dyopju̷ ne Biblia?

¿Kjo nge kʼu̷ go dyopju̷ ne Biblia?

¿Ne Biblia ngeje...

  • ... dʼa skuama kʼu̷ go tsjaji kʼo bʼe̷zo?

  • ... dʼa skuama kʼu̷ mama kʼo dya ga kjuana?

  • ... o Jñaa e Mizhokjimi?

 NE BIBLIA MAMA

“Texe kʼo o dyopju̷ o jñaa Mizhokjimi, nge o [espíritu] Mizhokjimi o ñu̷nbu̷ o mu̷bʼu̷ji o dyopju̷ji.” (2 Timoteo 3:16, Nu O̱ Jña Mizhocjimi nu mama ja ga cja e Jesucristo, ro junsʼu̷ kʼua jaga opju̷jidya.)

MA RA PJECHIJI KʼO MAMA NE BIBLIA

Ra pa̱ra̱ji ja ga kjaa yo trʼo̷nu̷ kʼo kjaji yo ntee (Proverbios 2:1-5).

So̷o̷ ra pa̱ra̱ji ja rga minji na joo (Salmo 119:105).

Ra pa̱ra̱ji ke na joo ra tebʼeji kʼo ra kjogu̷ yo paa yo ba e̱je̱ (Romanos 15:4).

 ¿KJO NA KJUANA KʼO MAMA NE BIBLIA?

Ja̱a̱, jñanrra kʼo mamaba:

  • Natrjo tema kʼu̷ mama ne Biblia. Go mezhe komo 1.600 kje̷e̷ pa ro nguaru̷ji ro dyopju̷ji ne Biblia. Komo 40 bʼe̷zo go dyopju̷ji ne Biblia. Kʼo bʼe̷zokʼo, je mi menzumu̷ji kja nʼaño jñiñi, dya o mba̱ra̱ji kʼo ñaja bʼe̷zo kʼo go dyopju̷ji ne Biblia. Zo go nge ga kjanu, natrjo tema nge kʼu̷ ba e̱je̱ kja ne Biblia.

  • Go dyopju̷ji kʼua ja nzi go kjogu̷ mi jingua. Kʼo bʼe̷zo ke go dyopju̷ji ne Biblia, go dyopju̷ji texe kʼo go kjogu̷ kja o jñiñi ñe kʼo na sʼoo kʼo go tsjaji angezeji. Dya je ba akjanu kʼo bʼe̷zo kʼo xiji historiador, dya go dyopju̷ji kʼua ja nzi go kjogu̷ mi jingua kja kʼo jñiñi nu ja mi menzumu̷ji (2 Crónicas 36:15, 16; Salmo 51:1-4).

  • Bo kjogu̷ texe ja gua mama yo profecía kja ne Biblia. Ne Biblia go mama kʼe Mesías ro musʼu̷ji a Belén kʼu̷ mi tsjaa a Judá. Ax bi mama 700 kje̷e̷ ma dya bʼe mi kjogu̷kʼo, pe go dyopju̷ji je ro kjogu̷ akjanu (Miqueas 5:2). ¡E Jesús go musʼu̷ji a Belén kʼua ja nzi ba dyopju̷ji kja ne Biblia ke ro kjogu̷! (Mateo 2:1-6).

    Na punkju̷ profecía ke go dyopju̷ji kja ne Biblia go za̷dʼa̷ kʼua ja nzi go dyopju̷ji. Akjanu, ri unkoji nguenda ke ne Biblia nge o Jñaa e Mizhokjimi (2 Pedro 1:21).

 MU̸ GI O̸NU̸GE

¿Jaga mbo̷xkoji ne Biblia ngekʼua ra minji na joo?

Ri xorge pje mama ne Biblia kja ISAÍAS 48:17, 18 ñe 2 TIMOTEO 3:16, 17.