Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

E Mizhokjimi jitsʼkoji kʼo me na joo

 Xoru̷ 15

¿Pjenga sido ri xoru̷ge ne Biblia?

¿Pjenga sido ri xoru̷ge ne Biblia?

1. ¿Pjekja na joo ri xoru̷ge ne Biblia?

Ya i̱ pjechi na punkju̷ kʼo mama ne Biblia, dya ri jye̷zi ga kjanu xe ri xoru̷ge ngekʼua ri sʼiyage e Jeoba (1 Pedro 2:2). Ma ri mimige jaga mama ne Biblia ga kjanu ri mimi nrrexe yo paa kja ne Xoñijomu̷ ma me rga zo̷o̷. Xoru̷ge kja Juan 17:3; Judas 21.

Ma sido ri pjechi kʼo mama ne Biblia ñe ma ri minkʼe jaga nee Mizhokjimi me ra ma̷ja̷ o mu̷bʼu̷ angeze (Hebreos 11:1, 6). Bʼu̷ma ma dya mi pa̱rge pje mi mama o Jñaa e Mizhokjimi gui tsjage kʼo na sʼoo, pe nudya dya kja ri tsjagekʼo. Xo na joo ke ri xipjige e Jeoba: “Pongatrjo kʼo na sʼoo kʼo ro kjago”. Xoru̷ge kja Hechos 3:19.

Ma ri xorge ne Biblia ri pa̱ra̱ jaga kjaa e Jeoba ñe ri tsjage kʼo mama angeze

2. ¿Jargi jichige yo ntee yo a bi pjechige kja ne Biblia?

Me na joo kʼo i̱ pjechige kja ne Biblia, ¿dya gi nee ri xipji in pjamilia ñe yo ntee ngekʼua xo ra mba̱ra̱jikʼo? Ma sido ri xoru̷ge ne Biblia jmanchʼa jmanchʼa ri pjechi jargi cho̷trʼu̷ kja ne Biblia yo ri jichige yo ntee. Xoru̷ge kja Romanos 10:13-15.

Ma ri zopju̷ge in pjamilia ñe yo ntee yo i̱ jobi ri xipji pje mama ne Biblia, ri zopju̷ge na joo dya ri ue̷nchʼi. Dya ri xipji ke o relijion dya ga kjuana, ma angezeji ra jñanrraji ke dya i̱ kjage kʼo na joo dya ra nee ra dya̷tkʼa̷ji, ngekʼua tsjage kʼo na joo jaga mama ne Biblia. Xoru̷ge kja 2 Timoteo 2:24, 25.

3. Ma ri mimi jaga nee e Jeoba, ¿pje ra xitsʼi?

Ma pama pama ri xampja ri xoru̷ge ne Biblia ri pjechi jaga kjaa e Jeoba. Xo ri pjechi ri tsjage kʼo na joo ga kjanu e Jeoba ra mama ke ngetsʼkʼe na o trʼii. Xoru̷ge kja 2 Corintios 6:18.

 4. ¿Pje ri tsjage ngekʼua sido ri pjechi kʼo mama ne Biblia?

Kja ne Biblia ri cho̷trʼu̷ na punkju̷ jñaa kʼu̷ ra mbo̷xkʼu̷ ri mimi jaga nee e Jeoba (Hebreos 5:13, 14). Na nrrestigo e Jeoba ra mbo̷xkʼu̷ge ra xitsʼige pje mama ne Biblia ko ne xiskuama ¿Qué enseña realmente la Biblia? Ra mbo̷xkʼu̷ ngekʼua me ri ma̷ja̷ rgi minkʼe. Xoru̷ge kja Salmos 1:1-3; 73:27, 28.

Kʼo na joo kʼo gui pjechi kja ne Biblia je ni ñe̱je̱ kja e Jeoba, angeze me ma̷ja̷ xo nee ke nutsʼkoji me ra ma̷ji. Ngekʼua nee ke ri maa ja jmuru̷ji yo ntee kʼu̷ kjaji kʼo mama angeze (Hebreos 10:24, 25). Me na joo ma dya ri jye̷zi ri tsjage kʼo mama e Jeoba, ri minkʼe texe yo paa kja ne Xoñijomu̷ ma me rga zo̷o̷. Xoru̷ge kja 1 Timoteo 1:11, TNM; 6:19.