Nuba soo ri jñanrra texe kʼo mama ne pajina

Nzhogu̷ge kja ne pajina yeje

Unu̷ge klik ngekʼua ri jñanrra yo ri xoru̷

Yo testigo e Jehová

jñatrjo

E Mizhokjimi jitsʼkoji kʼo me na joo

 Xoru̷ 6

¿Jarga mbo̷sʼu̷ Mizhokjimi kʼo ya nrru̱u̱?

¿Jarga mbo̷sʼu̷ Mizhokjimi kʼo ya nrru̱u̱?

E Mizhokjimi go xipji e Adán: “Ro a̷trʼkʼe ko jomu̷ ngekʼua ma ra za̷dʼa̷ ri chu̱ge nrro ri zhogu̷trjo kja jomu̷” (GÉNESIS 3:19)

1. ¿Pje ra tsjaa Mizhokjimi?

Ma e Jesús go za̷trʼa̷ a Betania kja kʼe jñiñi kʼu̷ bʼe̷xtrjo mi bʼu̷bʼu̷ a Jerusalén, dya kja o cho̷trʼu̷ e Lázaro, ya bi kjogu̷ nziyo paa ke bi nrru̱u̱. Kjanu e Marta ñe e María o zidyibi e Jesús o ma nubi jankʼo bi dyogu̷ji o ñʼinzhamabi. Ma e Jesús o tsjapu̷ ro tetrjo e Lázaro na punkju̷ ntee go jñanrrajikʼo. ¿Pje i̱ mange? ¿Jama zoʼo e Marta ñe e María ma go jñanrrabi nu ñʼinzhomu̷bi? Xoru̷ge kja Juan 11:21-24, 38-44.

E Marta mi pa̱ra̱ pje kjogu̷ ma ri tu̱ji ñe mi pa̱ra̱ kʼu̷ e Mizhokjimi ra xosu̷ yo ya nrru̱u̱ ngekʼua ra mimiji kja ne Xoñijomu̷. Xoru̷ge kja Job 14:14, 15.

2. ¿Ja je bʼu̷njidya yo ntee yo ya nrru̱u̱?

E Mizhokjimi go dya̷trʼa̷ e Adán ko jomu̷ (Génesis 2:7; 3:19). Dya ri pe̷sʼiji aljma ke ra mbesʼe ma ri tu̱ji. Ma ra tu̱goji dya kja ra bʼu̷bʼu̷ kʼu̷ pje ra mbeñeji, dya bʼu̷bʼu̷ jankʼo ra moji o pje kʼo ra kjaji, dya kja bʼu̷bʼu̷ pje kʼo ra soji. Ma e Jesús go tsjapu̷ ro mimi na yee e Lázaro dya pje go mama jango go ma supjre o ma xi ma bʼu̷bʼu̷ jango me ma zo̷o̷. Xoru̷ge kja Salmo 146:4; Eclesiastés 9:5, 6, 10.

Kja ne Biblia mama ke yo ntee kʼo ga nrru̱u̱ dya kja pje soji. Ma ga tu̱u̱ dʼa ntee, e Mizhokjimi dya kjapu̷ ra ma supjre kja linpjiernu. E Jeoba dya nee ke ra kreojikʼo, dya ga kjuanakʼo. E Mizhokjimi dya soo ra tsjaakʼo nange me sʼiyazgoji. Ma ri tu̱ji dya ri paa supjreji kja ñixgua, e Jeoba dya ga zoʼo na joo ke yo ntee ra manjikʼo. Xoru̷ge kja Jeremías 7:31.

 3. Yo ya nrru̱u̱, ¿soo ra xitsigoji pje ra kjaji?

Ne Biblia mama ke yo ntee kʼo ya nrru̱u̱ dya kja soo ra ñaji ñe dya kja soo ra dya̷ra̷ji yo ri ñagoji (2 Pedro 2:4). Pe yo demonio kjaji ke ra nuji kʼe ntee kʼu̷ ya nrru̱u̱ ga kjanu yo ntee ra manji ke yo ntee yo ya nrru̱u̱ xe bʼu̷ntrjoji (Salmo 115:17). Bʼu̷bʼu̷ ntee manji soo ra mbo̷xkʼu̷ge ma pje kʼo dya go xitsʼige kʼe ntee ke go nrru̱u̱, pe gi nee ri pa̱ra̱. Nge yo demonio kʼo ñaji dya nge kʼe ntee kʼu̷ go nrru̱u̱ ngekʼua e Jeoba mama ke dya ga joo ke ri jyodʼu̷ge na ntee kʼu̷ ra mbo̷xkʼu̷ ri ñage ko kʼe ntee kʼu̷ ya nrru̱u̱. Xoru̷ge kja Deuteronomio 18:10, 11.

4. ¿Pje ma ntee ra xosu̷ e Mizhokjimi ngekʼua ra yepe ra mimiji?

E Mizhokjimi Jeoba ra xosu̷ na punkju̷ ntee kʼo o dya̷ta̷ji angeze, xo ra xosu̷ na punkju̷ ntee kʼo o tsjaji kʼo ma sʼoo nange dya go mba̱ra̱ji pje mama ne Biblia ngekʼua ra minjiba kja ne Xoñijomu̷. Xoru̷ge kja Hechos 24:15.

Kʼo ntee kʼo dya go mba̱ra̱ji Kjimi, kja ra jichijima kjo ngeje e Jeoba xo ra jichiji pje nee e Jeoba ke ra tsjaji (Apocalipsis 20:11, 12). Ma ra dya̷ta̷ji ñe ra tsjaji kʼo mama e Jeoba ñe e Jesús ra minji texe yo paa kja ne Xoñijomu̷. Xoru̷ge kja Juan 5:28, 29.

5. ¿Pjenga e Jeoba ra xosu̷ kʼo ya nrru̱u̱?

E Jeoba me nezgoji, nuu ke me sichʼi in mu̷bʼu̷goji ma ga tu̱u̱ dʼa in pjamiliaji ngekʼua go mbejñe o trʼii kja ne Xoñijomu̷, go ne̱e̱ nrru̱u̱, akjanu go ngo̱trʼu̷ in nzhubu̷ji. Ngekʼua texe kʼo ya nrru̱u̱ ra yepe ra mimiji na yeje. Ma texe kʼo ya nrru̱u̱ ra nangaji ñe ra minji na yeje, ¿kjo gi nee ri jñanrrage? Xoru̷ge kja Juan 3:16; Romanos 6:23.