Skip to content

Skip to secondary menu

Testemuña ba Jeová

Mambae (Ermera)

Avizu legál

Avizu legál

Copyright (direitu autór nian)

© 2014 Watch Tower Bible and Tract Society of Pennsylvania, Inc. Direitu hotu rezervadu.

Sítiu ida-neʼe halo husi Watchtower Bible and Tract Society of New York, Inc. (“Watchtower”). Se la iha informasaun ruma kona-ba copyright seluk, liafuan no informasaun hotu neʼebé tau ona iha sítiu neʼe mak Watch Tower Bible and Tract Society of Pennsylvania nian.

Trademark (marka rejistu sira)

Adobe no ninia logo, Acrobat no ninia logo mak marka rejistu ba Adobe Systems Incorporated. iTunes no iPod mak marka rejistu ba Apple Inc. Marka seluk no marka rejistu seluk hotu mós sira ida-idak nia kompañia nian.

Kondisaun no lisensa kona-ba uza sítiu ida-neʼe

Ema hotu neʼebé uza sítiu ida-neʼe tenke halo tuir kondisaun neʼebé hakerek tuirmai neʼe. Uza sítiu neʼe dehan katak Ita-Boot simu ona kondisaun ida-neʼe. Se lakohi halo tuir kondisaun ruma, Ita labele uza sítiu ida-neʼe.

Entaun, Ita hetan lisensa atu halo saida? Ita bele haree, download, no print dezeñu, livru, múzika, foto, liafuan, vídeo sira (buat sira-neʼe hotu sei bolu “konteúdu” iha kondisaun ida-neʼe) husi sítiu neʼe atu uza ba ita-nia an rasik, no mós atu fahe ba ema seluk maibé la faʼan, naran katak ita halo tuir liafuan tuirmai neʼe kona-ba hahalok balu neʼebé bandu ona iha kondisaun neʼe. Buat neʼebé labele halo mak:

  • Fahe fali konteúdu iha sítiu ida-neʼe hodi habelar iha internét (inklui tau konteúdu iha sítiu seluk, sítiu atu fahe file sira, ka iha social network).

  • Uza konteúdu iha sítiu ida-neʼe halo fali nuʼudar Ita-nian hodi uza software application ruma no fahe ba ema seluk.

  • Foti informasaun iha sítiu ida-neʼe hodi halo fali buat neʼebé hanesan, kopia fali, ka temi fali informasaun balu ho objetivu atu halaʼo atividade negósiu nian ka faʼan (maski laʼós atu manán osan). Se Ita fahe fali application neʼebé bazeia husi sítiu neʼe, ka tau link dinámiku ka estátiku ba sítiu neʼe hodi manán osan, neʼe mós parte husi atividade negósiu nian.

  • Loke sítiu ida-neʼe atu halo foun no fahe fali source code, tool, ka téknika sira hodi halaʼo atividade sistemátiku ka automátiku nian atu halibur informasaun husi sítiu neʼe ka informasaun ruma neʼebé iha relasaun ho sítiu neʼe (inklui mós without limitation scraping, data mining, data extraction, no data harvesting).

  • Uza sala sítiu ida-neʼe no servisu neʼebé sítiu neʼe mak oferese ba públiku, hanesan hapara ema atu la bele loke, ka asesu fali iha dalan neʼebé la temi tuir kondisaun ida-neʼe.

  • Uza sítiu ida-neʼe iha dalan neʼebé bele estraga sítiu neʼe, ka hanetik públiku atu asesu sítiu neʼe; ka iha dalan neʼebé la tuir lei, no mós ho objetivu atu halaʼo atividade neʼebé la tuir lei, ka fó impaktu aat ba públiku.

  • Uza sítiu ida-neʼe ho objetivu neʼebé iha relasaun ho marketing.

Bainhira Ita-Boot viola kondisaun ida-neʼe

Se Ita-Boot viola kondisaun ida-neʼe, Watchtower bele halo fali asaun ruma ba hahalok violasaun neʼe. Porezemplu, Watchtower sei hanetik Ita atu la bele loke sítiu ida-neʼe, bandu Ita labele asesu ba sítiu neʼe, hapara asesu husi komputadór sira neʼebé uza Ita-nia IP address, ka kontaktu Ita-nia Internet service provider hodi husu sira atu hanetik Ita labele asesu sítiu neʼe. Watchtower mós bele lori kazu legál hasoru Ita.

Mudansa ba kondisaun ida-neʼe

Dala ruma Watchtower bele halo mudansa ba kondisaun ida-neʼe. Kondisaun foun sei aplika husi loron neʼebé ida-neʼe fó sai ona iha sítiu neʼe. Tan neʼe, favór ida, lee beibeik avizu legál ida-neʼe hodi Ita-Boot bele hatene kondisaun neʼebé foun liu.

Kona-ba lei no área atu halaʼo lei neʼe

Watchtower halo kondisaun neʼebé temi iha pájina neʼe hodi tuir estadu Novaiorke, EUA, nia lei sira. Bainhira iha kazu legál ruma neʼebé ezije asaun ruma kona-ba kondisaun neʼe, sei lori ba tribunál estadu nian ka tribunál federál nian iha área neʼebé iha kbiit atu halaʼo kondisaun neʼe iha estadu Novaiorke, EUA.

Kláuzula sira

Maski tribunál ida neʼebé iha kbiit atu halaʼo kondisaun neʼe deside katak kláuzula ida ka parte ida husi kondisaun neʼe mak la vale, ka la bele vigora, ka la tuir lei, maibé kláuzula sira seluk nafatin sei vale. Maski Watchtower la vigora kláuzula ruma husi kondisaun ida-neʼe, neʼe la dehan katak Watchtower lakon ona direitu atu halaʼo buat hirak-neʼe tomak nuʼudar kondisaun neʼebé sei vale hela.

Hatán ba malu kona-ba kondisaun tomak

Kondisaun neʼe neʼebé foin temi iha leten neʼe, hatán ba malu ona entre Ita-Boot ho Watchtower kona-ba oinsá atu uza sítiu ida-neʼe. Kona-ba kondisaun sira neʼebé mak uluk fó sai ona, neʼe la vale ona ho kondisaun foun ida-neʼe.