Skip to content

Skip to secondary menu

Testemuña ba Jeová

Mambae (Ermera)

Sepenid pe ukun mundu?

Sepenid pe ukun mundu?

Dar sapa pe it dimir . . .

  • Maromak?

  • atuba?

  • ka Satanas?

 SAPA PE BIBLIA DALE?

“Klaon nia ubun pe ukun rae tema.”—1 João 5:19, Tradusaun Mundu Foun.

“Maromak ni ana-manen ma: oid pun rahubel san seir Diabun pun bel sei.”—1 João 3:8.

MAMBAE PE IDIA LEB DIA IT?

It leb tadlo nor mo-moʼo tan sapa pe raea pnorin-ia benu nor se probleman.—Apokalipse 12:12.

It hi fiar tama tuse sapa pe agora nei ia, ada-airu hi sai kode lauhel. —1 João 2:17.

 IT LEB FIAR RIO SAPA PE BIBLIA DALE KA BAʼNI?

Leb, tan razaun teil:

  • Satanas ni ukun hei lako. Maromak Jeová karak rio pun lako bel Satanas ni ukun. Ua promete tuse ua hei pun “lako . . . Diabun”, nor hi pun kode hel sapa pe Diabun pun klao bel si.—Ebreu 2:14.

  • Maromak loi bel Jesus sei oid ukun raea. Jesus ni ukun ba hanesa rio nor Satanas ni ukun id ukun ba kode nor nae se rom koden. Dia la Jesus ni ukun, Maromak dale bel tuse: “Ua hi kbaen atub kruman nor kiak . . . Ua hi oid sai bel rom dar ni mori susar nor violesia.”—Salmo (Mazmur) 72:13, 14.

  • Maromak gase dloʼo nahati. Biblia dale nor mo-moʼo: “Maromak ba bea kid.” (Ebreu 6:18) Arpil Maromak Jeová dale tuse ua hei pun sano seir, ua hi pun sai manua rio. (Isaías [Yesaya] 55:10, 11) Maromak dale bel si tuse ua “hei tea bel man ehan la” ka pun lako bel id agora ukun tilu mundu ia.—João 12:31.

 DIMIR TNAER

Arpil Maromak pun lako bel Satanas ni raea, mundu hi sai man sapa?

Biblia glo la sapa pe it tug ia her SALMO (MAZMUR) 37:10, 11 nor APOKALIPSE 21:3, 4.

Nae tad tan dia la

GAESHUA KODEN DAR MAROMAK

Sapa pe Maromak ni karak la raea?

Biblia dale sai tan la sapa Maromak pun raea, arpil terus hi ba nei si, rae-heun nor atub seir her lalan hi sai mansapa ni ada-airu.