Skip to content

Skip to secondary menu

Testemuña ba Jeová

Mambae (Ermera)

Atub seir maet bel sei leb mori hel ka baʼni?

Atub seir maet bel sei leb mori hel ka baʼni?

It hi glo sapa?

  • Dlo?

  • Baʼni?

  • Kokʼid?

 SAPA PE BIBLIA DALE?

“Atub maten . . . hi mori hel ma.”—Apóstolu 24:15, Tradusaun Mundu Foun.

MAMBAE PE IDIA LEB DIA IT?

It hi ba tristi lau, arpil atub seir it dob maet.—2 Korinto 1:3, 4.

It hi ba tmau dia la, arpil it maet.—Ebreu 2:15.

It hi fiar rio tuse lelon id it hi et hel atub seir beʼpe it dob maet bel sia.—João 5:28, 29.

 IT LEB FIAR RIO SAPA PE BIBLIA DALE KA BAʼNI?

Leb, tan razaun teil:

  • Maromak pe pun mori san hled. Biblia dale tuse Maromak Jeová “pe mori ni puʼun”. (Salmo [Mazmur] 36:9; Apóstolu 17:24, 25) Ua pe ne mori la san hled-hled. Tan idua, ua hi leb rio ne mori hel la atub seir maet bel sia.

  • Munan Maromak ne mori hel la atub seir maet bel seia. Biblia dale atuba hohoteil pe mori hael-hel si ni raea. Rom hine mane, mai nor losa. Seir mate badoʼo man ua, mais id mesa pe maet bel la lelon pat.—João 11:39-44.

  • Maromak karak rio pun hel idia. Maeta, Maromak odi dlo. Maeta pe man hun-ubun id la ua. (1 Korinto 15:26) Ua gnan dlo bel arpil pe ua hei pun lako hun-ubun kidia, oid ua leb ne mori hel la atub seir maet bel seia. Maromak karak rio pun mori hel atub seir ua hanoin, no karak ko hel rom mori ni raea.—Jó (Ayub) 14:14, 15.

 DIMIR TNAER

Mambae pe it sai maʼi nor maet?

Biblia glo la sapa pe it tug ia her GÊNESIS (KEJADIAN) 3:17-19 nor ROMA 5:12.