Skip to content

Skip to secondary menu

Testemuña ba Jeová

Mambae (Ermera)

It fiar Biblia Maromak pe neʼe ka baʼni?

It fiar Biblia Maromak pe neʼe ka baʼni?

It dimir tuse, . . .

  • libru kidia pun dar atub ni matenek?

  • istoria her libru kidia ni lalan atuba pe pun leres ka?

  • ka libru kidia pe Maromak ni Gaeshuan?

 SAPA PE BIBLIA DALE?

“Maromak pe laka atub ker Eskritura hled.”—2 Timóteo 3:16, Tradusaun Mundu Foun.

MAMBAE PE IDIA LEB DIA IT?

Biblia glo nor kode dlo sapa pe it tug dia la it morin.—Provérbios (Amsal) 2:1-5.

Leb sai man se daʼa ma it morin lelo-lelon nin.—Salmo (Mazmur) 119:105.

Ne esperansa kid dlo dia la mori ada-airu.—Roma 15:4.

 IT LEB FIAR RIO SAPA PE BIBLIA DALE KA BAʼNI?

Leb, tan razaun teil:

  • Gaeshuan her Biblia lalan ba kontra ro kid. Ni tonan 1.600 ni lalan atub 40 man ua pe ker Biblia. Rom ba ten ro kid. Mais sapa pe rom ker her Biblia lalan ba kontra ro kid. Sapa pe Biblia gase dia la sano idʼs.

  • Gase dlo nahati dia la istoria huir munan nin. Arpil atub ker istoria dia la rom ni nasaun, rom ba ker haet pil rom ni atuban lako huna. Mais atub seir ker Biblia gase moʼmo dia la rom ni sala, fraku nor sala seir beʼpe rom povun pun.—2 Crônicas (Tawarikh) 36:15, 16; Salmo (Mazmur) 51:1-4.

  • Gase dlo nahati dia la ada-airu. Tonan atus hohoru antes Jesus mori, Biblia dale bel si dia la Jesus hei mori ni Belein, sidade kruman id her rae Judeia. (Miquéias [Mikha] 5:2) Dlo-dlon Jesus mori rio neuwa ka baʼni? Dlo rio, ua mori ni sidade kidia!—Mateus 2:1-6.

Biblia dale mun bel dia la sapa pe hei ma ni ada-airu, nor sapa pe Biblia dale hei sai tusni rio. Mambae? Tan Biblia pe Maromak ni Gaeshuan.—2 Pedro 1:21.

 DIMIR TNAER

Mambae pe Maromak ni Gaeshuan leb pun it morin sai kode lau?

Biblia glo la sapa pe it tug ia her ISAÍAS (YESAYA) 48:17, 18 nor 2 TIMÓTEO 3:16, 17.