Skip to content

Skip to secondary menu

Testemuña ba Jeová

Mambae (Ermera)

Sapa pe it dimir dia la ada-airu?

Sapa pe it dimir dia la ada-airu?

Dar sapa pe it dimir, situasaun ni mundu . . .

  • hi ba troka kid?

  • hi sai klao lau tan?

  • ka hi sai kode lau tan?

 SAPA PE BIBLIA DALE?

“Maromak . . . hi hol bel, rom mata eran ni rom matan, maeta hei baʼni, atuba hi ba sero tan ka huan mam, tan san seir munan nin lau belʼsi.”—Apokalipse 21:3, 4. Tradusaun Mundu Foun.

MAMBAE PE IDIA LEB DIA IT?

It hi nei serbis kode, idua hi pun it kontente.—Isaías (Yesaya) 65:21-23.

Moras no terus hi baʼni sei.—Isaías (Yesaya) 25:8; 33:24.

It hi mori kontente la nahati nor it familan ka it graen.—Salmo (Mazmur) 37:11, 29.

 IT LEB FIAR RIO SAPA PE BIBLIA DALE KA BAʼNI?

Leb, tan razaun ru:

  • Maromak nei forsa oid pun sapa pe ua dalen sai tusni rio. Her Biblia, Maromak Jeová mesa pe Biblia gau nor galan “forsa tuʼu lau hled”, ua forsa kidia hi ba hled id. (Apokalipse 15:3) Tan forsa kidia, ua leb pun sapa pe ua karak oid punkode rae ia. Biblia dale: “La Maromak san hled-hled leb bel.”—Mateus 19:26.

  • Maromak karak rio pun sapa pe ua dale bel sei. Sano id pe, Maromak Jeová gnan dlo bel oid pun atub maeta ro mori hel.—Jó (Ayub) 14:14, 15.

Biblia meit dale tuse Maromak ni ana-manen, Jesus kura atub seir moras. Mambae pe ua pun idua? Tan ua dob it atuba. (Marcos 1:40, 41) Dlo, man se ua aman, Jesus meit karak tulun atub seir beʼpe her susar lalan.—João 5:19.

Tan idua, it leb fiar Maromak Jeová nor Jesus karak it mori kontente ni ada-airu.—Salmo (Mazmur) 72:12-14; 145:16; 2 Pedro 3:9.

 DIMIR TNAER

Mambae pe Maromak hi pun kode hel situasaun her mundu?

Biblia glo la sapa pe it tug ia her MATEUS 6:9, 10 nor DANIEL 2:44.

Nae tad tan dia la

GAESHUA KODEN DAR MAROMAK

Sapa pe Maromak ni karak la raea?

Biblia dale sai tan la sapa Maromak pun raea, arpil terus hi ba nei si, rae-heun nor atub seir her lalan hi sai mansapa ni ada-airu.

GAESHUA KODEN DAR MAROMAK

Maromak ni Ukun pe sapa?

Sé pe sai Kornel la Maromak ni Ukun, nor Maromak ni Ukun hi pun sapa?