Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 5

Sapa pe Maromak ni karak la raea?

Sapa pe Maromak ni karak la raea?

1. Tan la sapa pe Maromak pun raea?

Maromak Jeová pun raea oid ne la atuba hela. Maromak ba pun atub permeiru, Adão nor Eva, oid hela ni lalehan tan ua pun bel anju ro pe hela her lalehan. (Jó [Ayub] 38:4, 7) Maromak ne hati koden id gala jardi Eden la Adão oid sai ua hela-hatin. (Gênesis [Kejadian] 2:15-17) Maromak Jeová ne la Adão, nor ni bei-anan ro oid leb mori ni raea la nahati.Lee Salmo (Mazmur) 37:29; 115:16.

Maromak loi se hatin id ni raea oid pun jardi Eden. Maromak laka hen nor lain permeiru oid nei anan dotu oid pun benu raea, hel-hel rom hi pun raea hled sai jardin kid kode dlo. (Gênesis [Kejadian] 1:28) Raea hi ba lako, hi sai atuba ni hela-hatin la nahati.Lee Salmo (Mazmur) 104:5.

2. Mambae pe rat agora raea ba sai jardi koden hei?

Adão nor Eva ba pun dar Maromak Jeová, tan idua ua pda rom sai dar jardi Eden. Tan Adão nor Eva pun sala, jardi koden sai lako, maski atuba karak pun kode hel sapa pe lako bel’si, maʼis ba leb nahati. Hoir-se idua atub klaon pe resi her raea.Lee Gênesis (Kejadian) 3:23, 24.

Idua tuse Maromak Jeová ba kumpri ni karak la raea ka baʼni? Maromak pe forsa lau hled, tan idua ua hi kumpri nahati ni karak. (Isaías [Yesaya] 45:18) Maromak hi pun kode hel oid atuba leb mori ni raea man se sapa pe ua karak hoir munan.Lee Salmo (Mazmur) 37:11, 34.

3. Mansapa pe raea hi leb sai hel man jardi Eden?

Raea hi sai hel man jardi Eden arpil Jesus ma ukun man Kornel. Ni huna id gala Armajedón, Jesus put nor Maromak ni anju ro hi pun lako seir beʼpe kontra Maromak. Dar-ma, Jesus hi hut tama Satanás la tonan 1.000 ni lalan.  Her hun idia, Maromak ni atubun hi et salvasaun tan Jesus hi kok daʼa, ua meit hi sargout rom. Rom hi mori la nahati ni raea id koden man se jardi Eden.Lee Apokalipse 20:1-3; 21:3, 4.

4. Arpil pe terus hled hi ramata?

Arpil pe Maromak hi pun lako san klaon hled her raea? Arpil Jesus hi ni raea, ua ne sai “sinal” seir beʼpe kok ma it arpil san sirʼia beil pdesi ramata. Nahai lelon, mori ada-adan her raea klao la molus, idia kok ma it agora it mori her “mundu kidia ni nuban”.Lee Mateus 24:3, 7-14, 21, 22.

Arpil Kornel Jesus ukun raea la tonan 1.000 ni lalan, ua hi pun lako terus hled. (Isaías [Yesaya] 9:6, 7; 11:9) Jesus meit hi sai Amlulik Tuu la seir beʼpe hadomi Jeová oid gas bel rom salan. Dar ni Jesus, Maromak hi pun lako moras, atuba hi ba sai maʼi, nor maet.Lee Isaías (Yesaya) 25:8; 33:24.

5. Sen-sene pe hi mori ni rae-heun?

Her Reuniau-Hatin, it leb bout ro nor atub seir beʼpe hadomi Maromak nor karak rio pun ua kontenti

Atub seir be pun dar Maromak hi mori ni rae-heun. (1 João 2:17) Jesus laka ni dixipulu ro nae atub hua-lalan mau nor denu rom sapa pe rom hi pun oid Maromak leb teh hel rom. Nahai lelon, Jeová pun mremu put tilu atub rihu la rihu seir beʼpe hi mori ni rae-heun man se jardi koden. (Sofonias [Zefanya] 2:3) Her Testemuña ba Jeová ni Reuniau-Hatin, atub dotu nae tadlo tilu bel mansapa pe rom hadiʼa rom ni pun-punun. Inan nor aman adora Maromak put nor rom anan, oid nae tad mansapa gaeshua koden leb pun rom morin sai kode lau hel.Lee Miquéias (Mikha) 4:1-4.