Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 13

Sapa pe hi akontese la relijaun ro?

Sapa pe hi akontese la relijaun ro?

1. Relijaun hled pe kode ka baʼni?

Relijaun hled nei atub seir beʼpe hua-lalan moʼo. Oid tad tu Maromak ko atub sirʼia nor ua meit tgu rom, idia pe gaeshua koden. Mais san id be pun it huan bana pe tu atub dotu her relijaun seir ni pun-punun pe klao. (2 Korinto 4:3, 4; 11:13-15) Dar sapa pe atuba ker dale tuse, relijaun seir pe pun terrorizmu, huna, abuza ka pun klao la ankau loban. Pun-punu sirʼia pun atub seir be fiar la Maromak senti huan ban.Lee Mateus 24:3-5, 11, 12.

Relijaun kid dlon ne gloria la Maromak, mais relijaun palsu pun Maromak ba kontenti. Relijaun palsu denu san dotu pe ba hua dar Biblia, denu palsu seir kdia la Maromak nor meit kdia la atub maten. Mais Maromak Jeová karak atub tadlo gaes dlon kdia la ua.Lee Ezequiel (Yehezkiel) 18:4; 1 Timóteo 2:3-5.

2. Sapa pe hi akontese la relijaun ro?

Maski relijaun dotu dale tuse rom hadomi Maromak, mais rom dotu ni pun-punun kok tu rom dob lau hel Satanás ni pun-punun. Relijaun sirʼia ba leb lohi hel Maromak. (Tiago 4:4) Arpil Raea-Doe hled ni Noé ni tempu, relijaun palsu sai dotu her sidade Babilónia antigu. Tan idua dar Maromak ni Gaeshuan, “Babilónia Boot” pe relijaun palsun hled. Ba doʼo ta, Maromak hi pun lako relijaun seir beʼpe lohi nor ne terus la atuba.Lee Apokalipse 17:1, 2, 5, 16, 17; 18:8.

Mais, Maromak Jeová ba mlighati la atub hua-lala moʼon her relijaun palsu sirʼia ni letan. Jeová pun mremu tilu bel atub sirʼia oid denu rom gaes-dlon.Lee Miquéias (Mikha) 4:2, 5.

 3. Atub hua-lala moʼon hi pun sapa?

Relijau kid dlon pun atub mori put sai se id

Maromak Jeová tgu atub seir beʼpe karak tadlo kdia la gaeshua dlon nor karak pun sapa pe dlon. Ua laka rom oid sai bel ni relijaun palsu. Atub seir be dob Maromak hi pun en-ene sano seir ni rom morin oid pun Maromak kontenti.Lee Apokalipse 18:4.

Arpil atub hua-lala moʼon ni apóstolu ro ni tempu plig gaeshua koden, rom pun kode hel rom morin oid dar sapa pe Maromak Jeová denun. Tan rom pun idua rom morin sai kontenti lau. Rom snar tu ro morin hi nei tubun nor ro meit gnan san koden ni ada-airu. Rom kok bel pun-punu koden ma it arpil rom plig gaeshua koden, rom pois mun Maromak ni karak ni rom morin.Lee 1 Tesalónika 1:8, 9; 2:13.

Maromak Jeová teh rom seir beʼpe sai dar relijaun palsu oid sai ni pobun. Arpil it teh Jeová ni konvite, it hi sai pdesi la ua, it hi et grae koden seir beʼpe meit hadomi Jeová, it meit hi et mori la nahati.Lee Marcos 10:29, 30; 2 Korinto 6:17, 18.

4. Mansapa Maromak hi oid ksolok la raea hled?

Arpil Maromak pun lako relijaun palsu, idia pe gaeshua koden tan Maromak ni pobun her raea ahe-ahe hi mloeh dar atub seir beʼpe pun susar la rom. Arpil idua rat ma, relijaun palsu hi ba leb lohi oid ket atuba. Atub hled hi mori put sai se id oid adora Maromak id dlon.Lee Apokalipse 18:20, 21; 21:3, 4.