Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 12

Mambae pe it leb pdesia la maromak?

Mambae pe it leb pdesia la maromak?

1. Maromak plig la orasaun hled ka baʼni?

Maromak gau atub her raea hled oid pdesi la ua dar orasaun. (Salmo [Mazmur] 65:2) Mais Maromak ba plig la orasaun hled. Porezemplu, arpil lain id ba trata kode ni hinen, ni orasaun hi ba lolai dlo, tan la Maromak hi ba plig la ni orasaun. (1 Pedro 3:7) Arpil atub Izraél pun nahati pun-punu klaon, Maromak ba plig la rom ni orasaun. Manua meit, arpil atuba id pun salan tuu glil ao oid ba pun sala ta, Maromak hi plig la ni orasaun. Dlo rio, oid leb tadlo tu it leb gase la Maromak dar orasaun, idua pe san id kode dlo.Lee Isaías (Yesaya) 1:15; 55:7.

2. Mansapa it hi pun orasaun?

Orasaun pe daʼa id her it adorasaun, tan idua it tenki pun orasaun la se it Lum-Ubun mesa, Jeová. (Mateus 4:10; 6:9) Meit tan it atub sala-anan, it hi pun orasaun dar se Jesus ni galan, tan ua maet oid gasbel it salan. (João 14:6) Maromak Jeová maki it pun orasaun repete nahati ka lee dar se librun seir. Arpil it pun orasaun, Maromak karak it ne sai sapa pe it notar her it hua-lalan.Lee Mateus 6:7; Filipe 4:6, 7.

It Lum-Ubun leb plig la orasaun kid it pun her it hua-lalan. (1 Samuel 1:12, 13) Ua karak it pun orasaun arpil it mlema, man se arpil it hina ble ka it beil la bue, arpil it beil mua, nor meit arpil it bout probleman seir.Lee Salmo (Mazmur) 55:22; Mateus 15:36.

3. Tan-sapa pe atub kristaun ro ma mremu put?

Oid pdesi la Maromak, ba dlo san lehe kid tan atub dotu pe mori hleu bel it, rom ba kok fiar la Maromak nor sapa  pe ua dale bel’si kdia la ada-airu. (2 Timóteo 3:1, 4; 2 Pedro 3:3, 13) Tan idua it mremu put nor it graen fiar-ubun ro leb pun it huan tama la ro tan it presiza ro, nor rom meit presiza it.Lee Ebreu 10:24, 25.

Mremu put nor seir beʼpe hadomi Maromak hi tulun it oid pdesi la Maromak. Oid dar reuniaun ro her Testemuña ba Jeová, hi pun it hua-lalan tama oid ko dar atub selun ni fiar.Lee Roma 1:11, 12.

4. Mansapa pe it leb pdesi la Maromak?

It leb pdesi la Maromak oid notar koed-koed sapa pe it nae tadlo bel’si dar ni Gaeshuan. Notar koed-koed ni pun-punun, sapa pe ua denun, nor sapa pe ua dale bel seia. Pun orasaun nor notar koed-koed hi tulun it oid pun Maromak ni domin nor ni matenek man san id be tubun tuu ma it.Lee Josué (Yosua) 1:8; Salmo (Mazmur) 1:1-3.

It hi leb pdesi la Maromak arpil it fiar la se ua mesa. It presiza haburas nahati it fiar. It leb pun idia oid notar hel sapa pe it fiar ni puun.Lee Mateus 4:4; Ebreu 11:1, 6.

5. Mambae pdesi la Maromak hi kode ma it?

Maromak Jeová pois mata la seir beʼpe hadomi ua. Ua leb sargout rom dar sapa pe leb pun lako rom fiar ka sapa pe rom gnan bel kdia la mori nahati ni ada-airu. (Salmo [Mazmur] 91:1, 2, 7-10) Maromak ne avizu ma it kdia la pun-punun seir beʼpe ba kode la it etan, ka leb pun lako it kontentin. Jeová denu it kdia la daʼa id kode lau oid it leb mori.Lee Salmo (Mazmur) 73:27, 28; Tiago 4:4, 8.

 

Nae tad tan dia la

PROGRAMA ESTUDA BIBLIA

Mambae pe it tenki estuda Biblia?

Biblia tulun atub rihu la rihu oid leb tad san seir bae pe dia la rom ni morin. It mos karak tad ka bani?