Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 2

Sé pe Maromak kid dlon?

Sé pe Maromak kid dlon?

1. Tan-sapa pe it tenki adora Maromak?

Maromak id dlon pe Id beʼpe pun san hled-hled. Ua puun nor nuban baʼni. (Salmo [Mazmur] 90:2) Maromak pe ne gaeshua kode seir beʼpe it et her Biblia lalan. (1 Timóteo 1:11) Tan Maromak pe ne morin ma it, it meit tenki adora pe se ua mesa.Lee Apokalipse 4:11.

2. Maromak man se sapa?

Atuba ba leb et Maromak tan ua pe espiritu. Idua tuse ua pe resi nor lau liu-hel animal nor atuba her raea. (João 1:18; 4:24) It ba leb et Maromak, mais it leb ten ua nor kode dar sapa pe ua pun belʼa. Dar aihuan nor aihetun ahe-ahe kok ma it Maromak ni domin nor ni matenek. Arpil it ko la lel-laun, ka universu kid mluan ia, kok ma it Maromak nei kbiit tu.Lee Roma 1:20.

It meit leb tadlo lau tan kdia la Maromak oid lee Biblia. Porezemplu, dar Biblia it leb tadlo sapa pe Maromak gosta nor ba gosta, mansapa ua poismata la ni pobun, nor meit pun-punu seir beʼpe ua kok ni situasaun ahe-ahe.Lee Salmo (Mazmur) 103:7-10.

3. Maromak nei galan ka baʼni?

Jesus dale: “Aem aman her lalehan, aem karak it galan sai moʼo.” (Mateus 6:9) Maromak nei gala-saen ahe-ahe, mais ua meit nei galan id mesa. Her gaeshuan seir selun ro dim ni galan ahe-ahe dar rom gaeshuan. Her gaeshua mambaen, it leb dim Maromak ni galan pe “Jeová”. Mais atuba seir selun meit dim Maromak ni galan “Yahweh”. Biblia gase kdia la Maromak oid dale: “It pe gala Jeová, it mesa pe Resi nor Lau.”Lee Salmo (Mazmur) 83:18.

Tradusaun Biblia dotu sai bel Maromak ni galan oid pois hel ni gala-saen pe Naʼi ka Maromak. Her Biblia  original, dim ua galan lalan haet 7.000. Jesus dale sai Maromak ni galan la atuba arpil ua denu rom kdia la Maromak.Lee João 17:26.

4. Maromak Jeová hanoin it ka baʼni?

Man se ama kidia, Maromak karak pun lako it ni terus

Nahai lelon, atub dotu pe et susar ahe-ahe, idia tuse Maromak Jeová ba hanoin it atuba ka baʼni? Atuba seir dale tu Maromak ne susar ma it oid koko it, mais hanoin man idua ba dlo.Lee Tiago 1:13.

Arpil Maromak pun atuba, ua meit lob atuba oid leb loi isa. It kontenti tan it leb loi oid serbi Maromak, dlo ka baʼni? (Josué [Yosua] 24:15) Susar dotu nei tan atub selun loi oid pun klao la atub seir selun. Arpil Maromak ko san seir ba dlon, idia pun ua huan-kmae.Lee Gênesis (Kejadian) 6:5, 6.

Maromak Jeová hanoin it. Ua karak it mori nor tnega. Ba agi ta, Maromak hi pun lako atuba ni susar ro, ua meit hi pun lako atub seir beʼpe pun susar la atub selun. Biblia kok mambae pe Maromak Jeová hi lob bel susar seir agora hi nei nahati la tempu koso. It hi tad lau tan kdia la idia arpil it lee Lisaun 8.Lee 2 Pedro 2:9; 3:7, 13.

5. Mansapa pe it leb sai pdesi la Maromak?

Maromak Jeová karak it leb pdesi la ua oid gase la ua dar orasaun. Ua hanoin it id-id. (Salmo [Mazmur] 65:2; 145:18) Ua prontu oid ne perdua la it. Kok id it mou la salan, ua hi ba tou arpil it karak nahati nae oid pun ua kontenti. Tan la idua it leb pdesi la Maromak maski it atub sala-anan.Lee Salmo (Mazmur) 103:12-14; Tiago 4:8.

Tan Maromak Jeová pe ne morin ma it, it hi hadomi ua lau hel atub selun. (Marcos 12:30) Arpil it nae tad kdia la Maromak nor mori dar ni ua karak, it kok tuse it hadomi ua, oid manua it hi sai pdesi lau tan la ua.Lee 1 Timóteo 2:4; 1 João 5:3.