Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 15

Tan-sapa it meit karak nae tadlo lau tan kdia la Maromak Jeová?

Tan-sapa it meit karak nae tadlo lau tan kdia la Maromak Jeová?

1. Mambae oid estuda Biblia lau tan hi tulun it?

Dlo rio, sapa pe it estuda tilu her Biblia rat nahai pun it domin sai tama la Maromak Jeová. Mais it meit tenki karak nahati oid pun domin kidia leb sai tama lau tan. (1 Pedro 2:2) Se it karak mori la nahati ni raea ada-airu depende la se it nae nahati oid pdesi la Maromak nor oid estuda ni Gaeshuan.Lee João 17:3; Judas 21.

Arpil it aprende tilu kdia la Maromak, it fiar hi sai tama lau tan. Oid fiar it leb pun Maromak kontenti. (Ebreu 11:1, 6) Idia meit hei tokel it hua-lalan oid gmolo la it salan, meit hi pun kode it mori lelo-lelo nin.Lee Apóstolu 3:19.

2. Mansapa it leb tulun atub selun nor sapa pe it tadlo belʼsi kdia la Maromak?

It leb dedika lolo la Jeová dar ni orasaun oid leb nei relasaun espesial nor ua

Ada-adan arpil it plig gaeshua koden seir, it karak dale hel idia la atub selun, dlo ka taes? Dlo rio, it meit karak tol hel la atub selun sapa pe it tadlo dar Biblia lalan. Arpil it estuda nahati bel Biblia it hi nae tad mansapa oid Biblia, it leb gase hel la atub selun kdia la it fiar la Jeová nor kdia la ni gaeshua koden.Lee Roma 10:13-15.

Atub dotu kumesa tol hel gaeshua koden la rom graen ka rom familan. Mais arpil it pun idia it meit tenki kok matenek. Id pe, duke dale tuse rom relijaun pe ba dlo, kode reis it gase kdia la Maromak ni gaeshuan la ada-airu nin. Meit ba leb mlighati tu it pun-punu koden, hi tokel ro hua-lalan lau hel it gaeshuan.Lee 2 Timóteo 2:24, 25.

3. Relasaun mansapa nor Maromak pe hi pun it haksolok?

Oid estuda Biblia, it leb ten Maromak kode lau hel, ni pnori ma it meit hi nei relasaun kode lau tan nor ua. It meit leb sai ua familan id nor it leb sai ua nin.Lee 2 Korinto 6:18.

 4. Mansapa it leb pag la ahen nahati ni gaeshua dlon?

Arpil it nahati estuda Maromak ni Gaeshuan, it hi nae tad mansapa pun dar Biblia ni denun her it mori lelo-lelon nin. (Ebreu 5:13, 14) Kbein Testemuña ba Jeová id oid estuda Biblia nor it, oid librun ni gaeshua tetun nor titulu Tuir Loloos, Saida mak Bíblia Hanorin? Arpil it nae tad nahati kdia la Maromak ni Gasehuan, it morin hi kon enti lau hel.Lee Salmo (Mazmur) 1:1-3; 73:27, 28.

Her Biblia lalan, it leb et gaeshua koden dar Maromak Jeová, Maromak id beʼpe kontenti. It leb pdesi la Maromak oid put-put nor ni pobun. (Ebreu 10:24, 25) Oid karak nahati pun Jeová kontenti, it leb et mori kid dlon pe mori la nahati. Dlo, sai pdesi la Maromak pe san kode kid it leb pun. Lee 1 Timóteo 1:11; 6:19.

 

Nae tad tan dia la

REUNIAUN RO

Mambae pe aem pun aem ni reuniaun ro?

Ma ko isa aem ni reuniaun hatin.

PROGRAMA ESTUDA BIBLIA

Mambae pe it tenki estuda Biblia?

Biblia tulun atub rihu la rihu oid leb tad san seir bae pe dia la rom ni morin. It mos karak tad ka bani?