Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 14

Tan-sapa pe Maromak uza organizasaun id?

Tan-sapa pe Maromak uza organizasaun id?

1. Tan-sapa Maromak organiza atub Izraél antigu?

Maromak organiza Abraão ni ubu-anan ro oid sai nasaun id ua gau galan nasaun “Izraél”. Ua ne la nasaun kidia ni gaes tubun nor badun, ua ne meit knaar espesial id oid koidad ni Gaeshuan nor adorasaun dlon. (Salmo [Mazmur] 147:19, 20) Oid manua, nasau selun leb et bensaun dar nasaun Izraél.Lee Apóstolu 3:25.

Maromak loi atub Izraél sai ua testamuña ro. Atub Izraél ni istoria kok sai tu atuba leb et san koden arpil pun dar Maromak ni gaes tubun nor badun. (Deuteronômio [Ulangan] 4:6) Dar atub Izraél, atub selun ni rom lelon leb nae tad oid ten Maromak kid dlon nor leb pdesi la ua.Lee Isaías (Yesaya) 43:10, 12.

2. Atub kristau dlon organiza lolo mansapa?

Ni pnori ma, nasaun Izraél ba pun dar ta Maromak Jeová, ua meit truka nasaun kidia nor kongregasau kristaun. (Mateus 21:43; 23:37, 38) Nahai lelon, atub kristau dlon pe sai Jeová ni testamuña ro, ba dlo ta atub Izraél si.Lee Apóstolu 15:14, 17.

Jesus organiza ni dixipulu ro oid haklaken nor denu atub her nasaun ahe-ahe. (Mateus 10:7, 11; 24:14; 28:19, 20) Tan raea agora ia nor ni pun-punu klaon beil hled si, ba doʼo ta, serbis haklaken meit hi ramata. Agora tilun ia, Jeová pun mremu put atub dotu her rae ahe-ahe oid adora ua ni daʼa id dlon. (Apokalipse 7:9, 10) Maromak organiza atub kristau dlon oid tulun ro nor pun huan tama la ro. Her rae ahe-ahe rom teh informasaun hanesas dar Biblia her rom reuniaun ro.Lee Ebreu 10:24, 25.

 3. Hoir arpilan pe Testemuña ba Jeová nei?

Testemuña ba Jeová ni organizasaun nei hoir tonan 1870 manua. Atub seir be estuda Biblia, kumesa nae tad hel gaeshua dlon her Biblia lalan id beʼpe atub pun lako belʼsi. Rom tadlo tu Jesus organiza kongregasau kristaun munan oid pun serbis haklaken, tan idua rom meit kumesa haklaken kdia la Maromak ni Ukun her rae ahe-ahe. Her tonan 1931 rom gau nor galan Testemuña ba Jeová.Lee Apóstolu 1:8; 2:1, 4, 11; 5:42.

4. Testemuña ba Jeová organiza lolo mansapa?

Her apóstolu ro ni lelon, rom nei grupu administradór id beʼpe ajuda kongregasaun ro. Rom pun dar Jesus gmes man kongregasaun ni Ulun. (Apóstolu 16:4, 5) Man se munan, nahai lelon meit nei maʼin ro seir beʼpe nei esperiensia dotu oid sai man Grupu Administradór. Grupu kidia pois mata la Testemuña ba Jeová ro ni sukursal seir be tradus, pun nor fahe librun kdia la Biblia her gaeshuan lau 770. Oid pun manua, Grupu Administradór leb dirije kongregasaun put lau 110.000 her rae ahe-ahe, nor meit oid pun rom huan tama. Her kongregasaun id-id, mau-maen seir beʼpe pun dar kriteriun belʼsi leb sai man maʼin. Maʼi sirʼia pois mata la Maromak ni bibin, ka ni atubun nor domin.Lee 1 Pedro 5:2, 3.

Testemuña ba Jeová ro organiza lolo oid haklaken gaeshua koden nor meit oid denu atub selun. Man se apóstolu ro, rom haklaken ni pada id la pad selun. (Apóstolu 20:20) Rom meit gosta estuda Biblia nor atub seir be karak nae tadlo gaeshua dlon. Mais Testemuña ba Jeová ba hanesa nor organizasau selun, rom man se famila id be nei Aman kid be hua-lalan kode. Rom man se kaka nor se ali kid be hanoin ro. (2 Tesalónika 1:3) Rom sai man famila kid be kontenti dlo tan rom organiza lolo oid ajuda atub selun, meit oid pun Maromak kontenti.Lee Salmo (Mazmur) 33:12; Apóstolu 20:35.