Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 7

Maromak ni Ukun pe sapa?

Maromak ni Ukun pe sapa?

1. Maromak ni Ukun pe sapa?

Tan-sapa Jesus pe Kornel kid koden?MARCOS 1:40-42.

Maromak ni Ukun, ka reinun, pe guvernu id her lalehan. Guvernu kidua hi truka guvernu hled her raea nor hi pun dar Maromak ni karak her lalehan nor raea. Idia pe gaeshua koden rio. Ba agi ta, Maromak ni Ukun hi ne sapa pe atuba karak. Ukun kidia hi pun atub hled her raea hi mori put nor tnega.Lee Daniel 2:44; Mateus 6:9, 10; 24:14.

Maromak Jeová loi ni Ana-Manen, Jesus Kristu, oid sai Kornel la ni Ua Ukun.Lee Apokalipse 11:15.

2. Tan la sapa Jesus pe Kornel kid koden?

Jesus pe Kornel kid koden tan ua kok hua-lalan kode, palitama la sapa pe dlon, ua meit nei kbiit oid tulun atuba. (João 1:14) Her lalehan Jesus hi ukun rat ma raea. Tan idua, arpil Maromak pun Jesus mori hael-hel, Jesus saʼe hel la lalehan oid gnan ni Maromak Jeová ni lima-hanan. (Ebreu 10:12, 13) Dar hel ma, Maromak ne Jesus kbiit oid kumesa ukun.Lee Daniel 7:13, 14.

3. Sen-sene pe hi ukun put nor Jesus?

Atub selun hi ukun put nor Jesus her lalehan. Biblia gau atub sirʼia man atub “santu”. (Daniel 7:27) Permeiru, Maromak loi Jesus ni apóstolu seir beʼpe hua-lalan tama oid sai santu. Rat agora, Maromak Jeová nahati loi atub manen nor hinen seir beʼpe kok hua-lalan tama oid sai atub santu. Man meit Jesus, atub sirʼia hi mori hel nor etan espiritu nin.Lee João 14:1-3; 1 Korinto 15:42-44.

Atuba pil pe hi la lalehan? Jesus gau atub seir beil la lalehan pe man “bibi-lubun kiʼik”. (Lucas 12:32) Rom  put atuba 144.000. Rom hi put nor Jesus oid ukun raea.Lee Apokalipse 14:1.

4. Sapa pe hi mosu arpil Jesus kumesa ukun?

Jesus kumesa ukun ni tonan 1914. * Arpil Jesus sai Kornel, ua pda sai Satanás nor ni anju klaon ro du ma her raea. Idia pun Satanás hua-lalan hdoi, ua meit kumesa pun susar la atuba hled her raea. (Apokalipse 12:7-10, 12) Hoir en-ene idua, atuba ni terus sai klao la molus. San seir beʼpe it et tilu man huna, nama beli, sambanan, nor hlaela-do. San sirʼia desa man “sinal” seir beʼpe kok tu ba doʼo ta Maromak ni Ukun hi kontrola san hled her raea.Lee Lucas 21:7, 10, 11, 31.

5. Maromak ni Ukun hi pun sapa?

Dar serbis haklaken kid beʼpe pun her raea ahe-ahe, Maromak ni Ukun loi tilu atub dotu her nasaun ahe-ahe. Atuba rihu la rihu seir beʼpe hua-lalan kode oid mori put-put sai pobun la Maromak ni Ukun. Rom hi et protesaun, arpil Maromak ni Ukun hi pun lako san klaon hled her raea. Oid manua, rom seir beʼpe karak et san koden dar Maromak ni Ukun hi hai-hu la Jesus gmes man Kornel.Lee Apokalipse 7:9, 14, 16, 17.

Ni tonan 1.000 ni lalan, Kornel Jesus nor rom seir ukun put nor ua, hi pun rio sapa pe Maromak karak la it atuba hoir munan. Her lelo kidua, raea hled hi sai jardin kid kode dlo. Tonan 1.000 lau bel, Jesus hi ne hel Ukun kidua la ni Aman. (1 Korinto 15:24-26) Idia pe gaeshua koden, dlo ka taes? It meit karak dale hel la atub selun kdia la Maromak ni Ukun.Lee Salmo (Mazmur) 37:10, 11, 29.

 

^ par. 6 Oid leb tadlo lau tan kdia la tan-sapa 1914 pe tona kid importante dar Biblia, ko libru her gaeshua tetun nor titulu Tuir Loloos, Saida mak Bíblia Hanorin? pajina 247-249.