Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 9

Mansapa pe it familan leb mori kontenti?

Mansapa pe it familan leb mori kontenti?

1. Tansapa kaben dar lein importante oid pun mori familan nin kontenti?

Maromak Jeová, Maromak id beʼpe kontenti, ua pe puun la gaeshua koden, ua karak familan ro mori nor kontenti. (1 Timóteo 1:11) Maromak pe pun arranju kaben nin. Importante la hen nor lain oid kaben dar dlo lein oid pun rom anan ro mori nor tnega. Atub kristaun tenki pun dar lei estadu nin kdia la kaben nin.Lee Lucas 2:1, 4, 5.

Sapa pe Maromak karak kdia la mori kaben nin? Ua karak hen nor lain mori put la nahati. Jeová karak hen nor lain huan tama la ro. (Ebreu 13:4) Ua huan ban arpil hen nor lain tea-ro. (Malaquias [Maleakhi] 2:16) Mais arpil atub kristaun id ni hen ka lain pun sala oid bue put hel nor atub selun, Maromak lob rom tea-ro oid leb kaben hel.Lee Mateus 19:3-6, 9.

2. Pun-punu sapa pe hen nor lain tenki kok la ro?

Jeová pun manen nor hinen oid leb tulun ro ni rom mori kaben nin. (Gênesis [Kejadian] 2:18) Man ulun la famila nin, manen pe klae sapa pe familan presiza, ua meit denu ni familan kdia la Maromak Jeová. Lain tenki kok tu ua tgu mun ni hinen ni koden, lau hel ua nin. Hen nor lain tenki kok domin nor respetu la ro. Mais tan atub hled pe sala-anan, importante la hen nor lain oid perdua la ro, oid pun manua rom mori kaben nin hi kontenti la nahati.Lee Éfeso 4:31, 32; 5:22-25, 33; 1 Pedro 3:7.

3. Arpil it mori kaben nin ba kontenti kid, leb hae-ro ka baʼni?

Arpil it bout susar ni mori kaben nin, it nor it kaben tenki nae nahati oid kok domin la ro. (1 Korinto 13:4, 5) Maromak ni Gaeshuan ba dale tu hae-ron pe da  koden la rezolve problema mori kaben ada-adan nin.Lee 1 Korinto 7:10-13.

4. Maromak karak sapa la anan ro?

Maromak Jeová karak anan ro mori nor kontenti. Maromak denu anan ro daʼa id beʼpe koden oid rom leb mori nor kontenti ni tempu tu-heun nin. Ua karak anan ro nae tad dar inan-aman ro ni morin nor matenek. (Koloso 3:20) Jeová, it Lum-Ubun, karak anan ro senti haksolok oid pun dar ua nor ni Anan.Lee Eclesiastes (Pengkhotbah) 11:9–12:1; Mateus 19:13-15; 21:15, 16.

5. Mambae inan-aman leb pun anan ro mori nor kontenti?

Inan-aman ro tenki serbis makas oid leb ne sapa pe anan ro presizan, man: san-muan, hati boon, nor gena. (1 Timóteo 5:8) Oid anan ro leb kontenti, inan nor aman presiza denu rom oid hadomi Maromak nor pun dar ua. (Éfeso 6:4) Arpil inan-aman ro kok tu rom hadomi Maromak, idia leb book anan ro ni hua-lalan. Arpil inan-aman oid Maromak ni Gaeshuan pe denu rom anan, idia hi tulun rom et susesun.Lee Deuteronômio (Ulangan) 6:4-7; Provérbios (Amsal) 22:6.

Arpil inan-aman gab rom anan, idia hi book rom hua-lalan. Anan ro meit presiza inan-aman korrije nor ne dixiplina la rom, san sirʼia hi ajuda rom. Oid pun manua, inan-aman leb sargout rom dar pun-punun seir beʼpe leb pun lako anan ro ni kontenti. (Provérbios [Amsal] 22:15) Pe manua meit, ba leb ne dixiplina makas lau la anan ro.Lee Koloso 3:21.

Testemuña ba Jeová nei libru seir beʼpe leb ajuda inan-aman nor anan ro. Denun seir her libru sirʼia hu dar ni Biblia. Lee Salmo (Mazmur) 19:7, 11.