Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 6

Hi nei esperansa la atub seir maten ka baʼni?

Hi nei esperansa la atub seir maten ka baʼni?

1. Gaeshua kode sapa pe hi nei kdia la atub seir beʼpe maet bel seia?

Arpil Jesus ni grae koden Lázaro maet, Jesus beil la ko ua. Jesus rat la Betánia, Lázaro maet bel la lelon pat sei. Jesus nor Lázaro ni tbon ro, Marta nor Maria, la ko hati kid rom taen Lázaro. Ba doʼo manua atub dotu meit ma kbo. Notar tnaer, Marta nor Maria kontenti dlo arpil Jesus pun Lázaro mori hel!Lee João 11:21-24, 38-44.

Marta tadlo mun belʼsi gaeshua koden kdia la atub maten. Ua tadlo tu Maromak Jeová hi pun atub maeta mori hael-hel oid mori hel ni raea.Lee (Ayub) 14:14, 15.

2. Atub maten ni kondisaun mansapa?

Maromak dale la Adão: “O ma dar rae-apan o hi hael-hel la rae-apan.”GÊNESIS (KEJADIAN) 3:19.

Oid rae-apan Maromak Jeová pun atuba. (Gênesis [Kejadian] 2:7; 3:19) Entaun arpil it maet, it smagan ba mori bel nahati. Arpil it maet, gnuta-nanan meit maet, sapa pe it tgu bel meit lako en-ene. Tan idua pe arpil Lázaro mori hel ma, ua ba dale sano id kdia la arpil ua maet bela. Tan atub maten ba tadlo san id.Lee Eclesiastes (Pengkhotbah) 9:5, 6, 10.

Arpil atuba maet, Maromak pun atuba terus ni infernu lalan ka baʼni? Biblia dale mo-moʼo dlo tu arpil atuba maet, rom ba tadlo sano id. Tan idua pe, hanori kdia la infernu pe hanorin palsu, oid dud mat kdia la pun-punun kid  beʼpe Maromak nunka pun. Dlo-dlo Maromak nunka tgu ni ua hua-lalan oid hnon atuba ni aep lalan.Lee Jeremias (Yeremia) 7:31.

3. Atub seir beʼpe maet bel seia leb gase hel nor it ka baʼni?

Biblia dale tu atub seir beʼpe maet bel seia ba leb gase, rom meit ba leb plig. (Salmo [Mazmur] 115:17) Mais anju klaon pe pun hudi sai man atub id beʼpe maet bel seia oid gase hel nor atuba. (2 Pedro 2:4) Maromak Jeová badu ni atubun ro ba leb koko oid gase hel nor atub seir be maet bel seia.Lee Deuteronômio (Ulangan) 18:10, 11.

4. Sen-sene pe hi mori hael-hel ma?

Ni ada-airu, atub rihu la rihu beʼpe maet bel seia hi mori hael-hel ma oid mori ni raea. Rom seir beʼpe pun, pun-punun klao tan rom ba ten Maromak meit hi mori hel.Lee Apóstolu 24:15.

Rom seir mori hael-hel ma, rom meit hi nae tadlo gaes dlon kdia la Maromak, rom meit hi kok tu rom fiar Jesus oid pun dar ua. (Apokalipse 20:11-13) Rom seir pun-punu koden hi mori nor tnega la nahati ni raea.Lee João 5:28, 29.

5. Esperansa kdia la mori hael-hel denu sapa kdia la Jeová?

Maromak lae daʼa la atub seir maet bel seia mori hel, oid laka ni Ana-Manen ma maet la it. Entaun esperansa kdia la mori hael-hel ma, denu it kdia la Jeová ni domin nor ni hua-lala koden. Arpil atub seir maeta mori hael-hel ma, sen-sene pe it karak sak?Lee João 3:16; Roma 6:23.