Skip to content

Skip to secondary menu

Skip to table of contents

Testemuña ba Jeová

Mambae (Ermera)

Gaeshua Koden Dar Maromak

 LISAUN 3

Gaeshua koden her Biblia ma rio dar Maromak ka baʼni?

Gaeshua koden her Biblia ma rio dar Maromak ka baʼni?

1. Biblia ma dar sé nid?

Gaeshua koden kdia la arpil atuba mori la nahati ni raea ker her Biblia lalan. (Salmo [Mazmur] 37:29) Her Biblia lalan nei libru kruman put 66. Maromak laka atuba 40 pe ker libru sirʼia. Moisés pe ker libru lim permeirun her tonan 3.500 lau la. Apóstolu João pe ker libru pnorin ni Biblia lalan her tonan 1.900 lau la. Atub seir beʼpe ker Biblia, ker sé nid ni hanoin? Maromak ne-tad ni hanoin la rom dar espiritu santu. (2 Samuel 23:2) Rom ker Maromak ni hanoin, badlo rom nin. Tan idua, Biblia pe ma dar Maromak.Lee 2 Timóteo 3:16; 2 Pedro 1:20, 21.

2. Mansapa pe it leb fiar Biblia ma dar Maromak?

It tadlo Biblia ma dar Maromak tan la Biblia ne sai kdia la ada-airu sai dlo rio. Atuba id ba leb pun man idua. (Josué [Yosua] 23:14) Maromak mesas pe nei Kbiit Tuu oid leb tadlo kdia la ada-airu.Lee Isaías (Yesaya) 42:9; 46:10.

Biblia ba hanesa rio nor libru selun tan Biblia ma dar Maromak. Nahai lelon, atuba tradus Biblia la gaeshuan atus la atus, rom meit pahe Biblia put lau 2.000.000.000. Biblia maʼi dlo si, mais arpil ua gase kdia la siensia ua gasen sai dlo rio. Manua meit atub 40 pe ker Biblia rom meit ba kontra ro. Lau hel idua, Biblia kok ma it Maromak dob dlo it. Hoir munan rat agora, Biblia nahati leb truka atuba ni morin sai kode lau hel. San sirʼua pun atub dotu fiar rio tu Biblia pe Maromak ni Gaeshuan.Lee 1 Tesalónika 2:13.

 3. Biblia gase dotu kdia la sapa?

Biblia gase dotu kdia la sapa pe Maromak karak pun la atuba, idia pe gaeshua koden. Biblia dale bel mansapa pe atub permeirun ba mori la nahati ni jardi Eden, nor meit mansapa Maromak hi pun kode hel raea hled sai man jardi Eden munan.Lee Apokalipse 21:4, 5.

Her Biblia lalan it leb et Maromak ni uku-huan, ni daʼan, nor ni denun. Biblia meit denu ma it Maromak ni pun-punun seir munan ua kok la atuba. Pun-punun sirʼia kok ma it Maromak pe mansapa. Entaun, Biblia leb tulun it oid ten Maromak lau tan, nor meit denu it mansapa leb sai ni graen.Lee Salmo (Mazmur) 19:7, 11; Tiago 2:23; 4:8.

4. Mansapa it leb tadlo kode kdia la Biblia?

Oid eskrituran Jesus denu nor esplika la atuba oid tadlo koed-koed Maromak ni Gaeshuan. Manua meit, libru kidia pun ni daʼa hanesa oid tulun atuba “tad dlo koed-koed Eskrituran”.Lee Lucas 24:27, 45.

Ba nei sano id kode lau hel Maromak ni gaeshua koden. Mais atuba seir hi ba dun karak tadlo kdia la idia. Atub seir selun meit ba gosta plig kdia la idia. Se manua, it balika hua-lalan du tan la se it nahati karak tadlo kdia la Maromak, it hi nei esperansa mori la nahati.Lee João 17:3.