Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Nani mpenza kena kuyadila yinza yayi?

Nani mpenza kena kuyadila yinza yayi?

Nge kekanisaka ya kele . . .

  • Nzambi?

  • bantu?

  • kisemua ya nkaka?

 BIBLIA METUBA MUTINDU YAYI

“Yinza ya mvimba kele na luyalu ya Muntu ya yimbi.”—1 Yoane 5:19.

“Mwana-Nzambi kwisaka . . . Sambu na kufwa bisalu yina Satana ke salaka.”—1 Yoane 3:8, La Bible en Kituba.

YAU KELE MBOTE SAMU NA NGE

Nge lenda baka mbangudulu ya kedika samu na bampasi kele na yinza.—Nzaikusu 12:12.

Kasi beto kele na bamfunu ya kutula kivuvu ti yinza kebonga.—1 Yoane 2:17.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu tatu kaka:

  • Luyalu ya Satana kenunga ve. Yehova mekana kutula nsuka na luyalu ya Satana na zulu ya bantu. Yandi melaka ‘kufwa Satana,’ kukatula bampasi nionso yina Satana mebimisa.—Ebeleo 2:14, La Bible en Kituba.

  • Nzambi meponaka Yesu yandi yadila yinza. Yesu kele ya kusuasana na bamambu nionso na mfumu ya yinza yayi, yina kele na kinkesi mpe buimi. Samu na kimfumu ya Yesu, Nzambi mepesa nsilulu yayi: “Yandi kefuila bantu ya fioti mpe bamputu kiadi . . . Yandi kekula miela na bau na bankwamusu mpe na kinkesi.”—Nkunga 72:13, 14.

  • Nzambi lenda vuna ve. Biblia metoma tuba: “Nzambi lenda vuna ata fioti ve.” (Ebeleo 6:18) Kana Yehova melaka kusala diambu mosi, yau fueti salama kaka! (Yesaya 55:10, 11) “Mfumu ya yinza yayi kelozuka na nganda.”—Yoane 12:31.

 YINDULA NTETE

Yinki mutindu yinza kekumina ntangu mfumu na yau kekatulua?

Biblia kena kupesa mvutu na kiuvu yayi na NKUNGA 37:10, 11 mpe NZAIKUSU 21:3, 4.