Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Yinki kele disuekamu samu na kuvuanda na dibuta ya kiese?

Yinki kele disuekamu samu na kuvuanda na dibuta ya kiese?

Nge kekanisaka ya kele . . .

  • nzola?

  • mbongo?

  • kima ya nkaka?

 BIBLIA METUBA MUTINDU YAYI

“Kiese na bayina kekuwaka mpova ya Nzambi mpe kelundaka yau!”—Luka 11:28, Traduction du monde nouveau.

YAU KELE MBOTE SAMU NA NGE

Beno ke kuma na nzola ya kedika.—Efeso 5:28, 29.

Beno ke kuma na luzitu ya kedika.—Efeso 5:33.

Beno ke nata kutanunua ya kedika.—Malako 10:6-9.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu zole kaka:

  • Nzambi kele Mvangi ya dibuta. Biblia metuba ti ‘dibuta mosimosi . . . mebaka nkumbu’ na Yehova Nzambi. (Efeso 3:14, 15) Yau zola tuba ti dibuta kele samu Yehova salaka yau. Samu na yinki diambu yayi kele mfunu?

    Yindula tete: Ntangu nge kenakudia madia ya mbote mpe nge zola kuzaba bima balambilaka yau, nani nge keyuvusa? Yau mebonga nge yuvusa muntu yina lambaka yau.

    Mutindu mosi, samu na kuzaba mambu yina kepesaka kiese na dibuta, yau kele mbote beto yuvusa Yehova, Mvangi ya dibuta.—1 Mose 2:18-24.

  • Nzambi kebanzilaka nge. Yau kevuanda diambu ya nduenga mabuta sosaka malongi yina Yehova kena kupesa beto na nzila ya Mpova na yandi. Samu na yinki? “Samu yandi kebanzilaka beno.” (1 Petelo 5:6, 7) Yehova kesosaka kaka mambote na nge—mpe malongi na yandi kenataka kaka mambote!—Zingana 3:5, 6; Yesaya 48:17, 18.

 YINDULA NTETE

Yinki mutindu nge lenda vuanda bakala ya mbote, nketo ya mbote to kibuti ya mbote?

Biblia kena kupesa mvutu na kiuvu yayi na EFESO 5:1, 2 mpe KOLOSAI 3:18-21.