Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Nge mekanisa bilumbu kena kuiza yau kevuanda yinki mutindu?

Nge mekanisa bilumbu kena kuiza yau kevuanda yinki mutindu?

Yinza yayi . . .

  • yau kevuanda kaka mutindu yayi?

  • yau ketatamana kubeba?

  • yau kebonga?

 BIBLIA METUBA MUTINDU YAYI

“Nzambi . . . kepangusa mansanga nionso na meso ya bau, lufua kevuanda diaka ve, na kunionga, na bidilu, na bampasi kevuanda diaka ve. Mambu ya ntete meluta.”—Nzaikusu 21:3, 4, Traduction du monde nouveau.

YAU KELE MBOTE SAMU NA NGE

Nge kevuanda na kisalu mosi ya mbote mpe ya kusepedisa.—Yesaya 65:21-23.

Maladi mpe bampasi ya mutindu nionso kevuanda diaka ve.—Yesaya 25:8; 33:24.

Nge kevuanda na luzingu ya kiese mpe yina mekondua nsuka, nge na dibuta na nge mpe bankundi na nge.—Nkunga 37:11, 29.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu zole kaka:

  • Nzambi kele na lulendo ya kukokisa nsilulu yango. Na Biblia, Yehova Nzambi kaka mebokidulua “Mpungu-tulendo,” samu ngolo na yandi kele na nsuka ve. (Nzaikusu 15:3) Na yau, yandi kele na ngolo ya kukokisa mpenza nsilulu yina yandi pesaka ya kubongisa yinza na beto. Mutindu kaka Biblia metuba, “na Nzambi nionso lenda salama.”—Matai 19:26.

  • Nzambi kele na nsatu ya kukokisa nsilulu na yandi. Na kifuani, Yehova kele na “nsatu ya ngolo” ya kuvutula na luzingu bantu yina mekufuaka.—Yobi 14:14, 15.

Biblia kena kumonisa diaka ti Yesu Muana ya Nzambi, vukisaka bantu ya maladi. Samu na yinki yandi vuandaka sala yau? Samu yandi vuandaka zola kusala yau. (Malako 1:40, 41) Mutindu Tata na yandi, Yesu vuandaka yangalala kusadisa bantu ya mpasi.—Yoani 14:9.

Na yau, beto fueti tula kivuvu ti Yehova na Yesu kezolaka kusadisa beto samu beto baka luzingu ya kiese na bilumbu kena kuiza!—Nkunga 72:12-14; 145:16; 2 Petelo 3:9.

 YINDULA NTETE

Yinki mutindu Nzambi kebongisila yinza ya beto?

Biblia kena kupesa mvutu na kiuvu yayi na MATAI 6:9, 10 mpe DANIELI 2:44.