Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Kilumbu kele bampasi kemanisa?

Kilumbu kele bampasi kemanisa?

Nge metuba . . .

  • ee?

  • ve?

  • mbala ya nkaka?

 BIBLIA METUBA MUTINDU YAYI

“Nzambi . . . kepangusa mansanga nionso na meso ya bau, lufua, kunionga, bidilu mpe bampasi kevuanda diaka ve.”

—Nzaikusu 21:3, 4, Contemporary English Version.

YAU KELE MBOTE SAMU NA NGE

Yau mesadisa beto zaba ti Nzambi ve kebimisinaka beto bampasi.—Yakobo 1:13.

Beto mekindusua na kuzaba ti Nzambi kemonaka mpasi na ntima ntangu beto kekutanaka na bampasi.—Zekalia 2:8.

Yau mepesa beto kivuvu ti bampasi kemanisa.—Nkunga 37:9-11.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu zole kaka:

  • Nzambi meyina bampasi mpe kukondua lunungu. Kanisa mutindu Yehova Nzambi vuandaka mona ntangu bavuandaka monisa bisadi na yandi mpasi ya ngolo na ntangu ya ntama. Biblia metuba ti yandi monaka kiadi samu na “bayina vuandaka kukwamisa bau.”—Minkongudidi 2:18, Masonukwa manlongo.

    Nzambi keyinaka bayina kemonisaka bayankaka mpasi. Na kifuani, Biblia metuba yandi meyina “maboko yina ketiamunaka menga ya bantu yina sala diambu ve.”—Zingana 6:16, 17.

  • Nzambi kekanisaka mosimosi kati na beto. Ya kele kaka ve ‘muntu na muntu mezaba mputa na ntima na yandi na mpasi na yandi,’ kasi Yehova diaka kezabaka yau!—2 Lusansu 6:29, 30.

Na Kimfumu na yandi, Yehova kemanisa bampasi ya muntu mosimosi. (Matai 6:9, 10) Tekila yandi sala yau, yandi kena kubomba na luzolo nionso bayina kena kusosa yandi na kedika.—Mavanga 17:27; 2 Kolinto 1:3, 4.

 YINDULA NTETE

Samu na yinki Nzambi mebika nzila na bampasi?

Biblia kena kupesa mvutu na kiuvu yayi na LOMA 5:12 mpe 2 PETELO 3:9.