Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Yinki mutindu nge ketadilaka Biblia?

Yinki mutindu nge ketadilaka Biblia?

Nge kekanisaka Biblia kele . . .

  • mukanda ya mindele?

  • mukanda yina kele na masolo mpe masapo ya mpambampamba?

  • Mpova ya Nzambi?

 BIBLIA METUBA MUTINDU YAYI

“Masonukua nionso kele ya kuvuminua na Nzambi.”—2 Timoteo 3:16, Masonukwa manlongo.

YAU KELE MBOTE SAMU NA NGE

Nge kebaka bamvutu ya mbote na biuvu yina metadila luzingu.—Zingana 2:1-5.

Nge kebaka malongi ya mbote samu na luzingu na nge ya kilumbu na kilumbu.—Nkunga 119:105.

Nge kebaka kivuvu ya kedika samu na bilumbu kena kuiza.—Loma 15:4.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu tatu kaka:

  • Ngwizani ya ngitukulu. Biblia sonamaka na kitezo ya bamvula 1600 na bantu 40 ya mutindu na mutindu. Mingi kati na bau salaka kutana ve. Ata mutindu yina, mukanda yango na mvimba na yau kele na ngwizani, mpe ya kele na yintu ya diambu ya nene kaka mosi!

  • Masolo ya kutudila kivuvu. Bayina kesonikaka masolo ya ntama kevuandaka na bifu ya kusueka mambu kana buala ya nkaka menunga buala na bau na mvita. Kasi bansoniki ya Biblia sonikaka na kedika nionso, ya vuanda bayimbi na bau to ya babuala na bau.—2 Lusansu 36:15, 16; Nkunga 51:1-4.

  • Bambikudulu yina kekokisamaka ntangu nionso. Na ntuala ya bamvula 200, Biblia tubaka mbanza Babilone kebebisama. (Yesaya 13:17-22) Yau tubilaka kaka ve mutindu Babilone fueti buila, kasi mpe nkumbu ya muntu yina kenunga yau!—Yesaya 45:1-3.

Bambikudulu ya nkaka ya Biblia kokisamaka ata na mambu ya fioti fioti. Kasi mutindu yina ve Mpova ya Nzambi fueti vuandila?—2 Petelo 1:21.

 YINDULA NTETE

Yinki mutindu Mpova ya Nzambi lenda bongisa luzingu na nge?

Biblia kena kupesa mvutu na kiuvu yayi na YESAYA 48:17, 18 mpe 2 TIMOTEO 3:16, 17.