Kuenda na kisika mambu kele

Kuenda na bayintu ya fioti ya masolo

Bambangi ya Yehova

Kikongo ya leta

Bantu ya kufua balenda mpenza kuzinga diaka?

Bantu ya kufua balenda mpenza kuzinga diaka?

Nge metuba . . .

  • ee?

  • ve?

  • mbala ya nkaka?

 BIBLIA METUBA MUTINDU YAYI

“Lufutumuku kevuanda.”—Mavanga 24:15, Masonukwa manlongo.

YAU KELE MBOTE SAMU NA NGE

Yau kena kukindisa beto ntangu muntu yina beto zolaka mingi mekufua.—2 Kolinto 1:3, 4.

Yau mekatula beto na kinanga ya kubanga mingi lufua.—Ebeleo 2:15.

Yau mepesa beto kivuvu ya kedika ya kumona diaka bampangi ya beto mekufuaka.—Yoane 5:28, 29.

 BETO FUETI NDIMINA MPENZA YINA BIBLIA KETUBAKA?

Ee, ata samu na mambu tatu kaka:

  • Nzambi kele Mvangi ya luzingu. Biblia kena bokidila Yehova Nzambi “yinto ya luzingu.” (Nkunga 36:9; Mavanga 17:24, 25) Lokola Yandi pesaka luzingu na bisemua nionso ya luzingu, yandi kele mpenza na ngolo ya kuvutula na luzingu muntu yina mekufua.

  • Na ntangu ya ntama, Nzambi futumunaka bantu. Biblia metubila bambala nana yina bantu ya mutindu na mutindu futumukaka na luzingu awa na ntoto—bantuenia, bambuta, babakala, mpe bakento. Bayankaka zingilaka ve na lufua, kasi ya nkaka salaka bilumbu iya na kiziami!—Yoane 11:39-44.

  • Nzambi kele na nsatu ya ngolo ya kusala yau diaka. Yehova meyina lufua; samu na yandi lufua kele mbeni. (1 Kolinto 15:26) Yandi kele na “nsatu mingi” ya kununga mbeni yango, ya kukatula yandi na nzila ya futumukunu. Yandi kele na nsatu mingi ya kufutumuna bantu yina kele na mabanza na yandi mpe kumona bau na luzingu na ntoto ya yimpa.—Yobi 14:14, 15.

 YINDULA NTETE

Samu na yinki beto kenunaka mpe kekufuaka?

Biblia kena kupesa mvutu na kiuvu yayi na 1 MOSE 3:17-19 mpe LOMA 5:12.